Live Updates

ریحام خان نے مریم نواز کی تعریفوں کے پل باندھ دیے

مریم نواز کا نظم و نسق ایک فوجی افسر جیسا ہے، وہ ایک مضبوط اور متاثر کن خاتون ہے: عمران خان کی سابقہ اہلیہ

muhammad ali محمد علی بدھ 6 جون 2018 19:51

لاہور (اُردو پوائنٹ تازہ ترین اخبار۔ 06 جون 2018ء) عمران خان کی سابقہ اہلیہ ریحام خان نے مریم نواز کی تعریفوں کے پل باندھ دیے ہیں۔ تفصیلات کے مطابق تحریک انصاف کے سربراہ عمران خان کی سابقہ اہلیہ ریحام خان کی جانب سے لکھی گئی کتاب نے خاصی ہلچل مچائی ہے۔ اس کتاب کے مسودے کے حوالے سے کئی روز سے میڈیا اور سوشل میڈیا پر چرچے جاری ہیں۔ ہر روز ریحام خان کی متنازعہ کتاب کی کوئی نہ کوئی متنازعہ تفصیل جاری کردی جاتی ہے۔

ریحام خان کا دعوی ہے کہ ان کی کتاب کو اشاعت سے قبل ہی ہیک کر لیا گیا ہے۔ اب ریحام خان کی کتاب کی مزید تفصیلات سامنے آئی ہیں۔ مبینہ طور پر ریحام خان نے اپنی کتاب میں نواز شریف کی صاحبزادی مریم نواز کی تعریفوں کے پل باندھ دیے۔ ریحام خان کا کہنا ہے کہ سابق وزیراعظم نواز کی صاحبزادی مریم نواز کا نظم و نسق ایک فوجی افسر جیسا ہے۔

(جاری ہے)

 مریم ںواز ایک مضبوط اور متاثر کن خاتون ہے۔

مریم نواز اپنی زندگی اور سیاسی معاملات میں بہت ڈسپلن کا مظاہرہ کرتی ہیں۔ مریم نواز کا کردار اور ان کی شخصیت خاصی متاثر کن ہے۔ ریحام خان نے اپنی کتاب میں سابق وزیراعلی پنجاب شہباز شریف کے صاحبزادے حمزہ شہباز کے حوالے سے بھی تعریفی کلمات تحریر کیے ہیں۔ ریحام خان کا کہنا ہے کہ حمزہ شہباز بھی اچھی شخصیت کے حامل انسان ہے۔ واضح رہے کہ پی ٹی آئی چئیرمین عمران خان کی دوسری سابقہ اہلیہ ریحام خان کی کتاب نے سوشل میڈیا پر ایک طوفان برپا کر دیا ہے۔

سوشل میڈیا پر ریحام خان کی کتاب سے متعلق کئی انکشافات ہوئے جنہوں نے نئی بحث چھیڑ دی ۔ تاہم اب ریحام خان کی اس کتاب نے شائع ہونے سے قبل ہی ایک نیا پنڈوراباکس کھول دیا ہے۔ ریحام خان نے اپنی کتاب میں عمران خان کے قریبی ساتھیوں زلفی بخاری ، وسیم اکرم اور انیلہ خواجہ پر جنسی نوعیت کے الزامات عائد کیے ہیں۔ اپنی کتاب میں ریحام خان نے اپنے سابق شوہر اعجاز رحمان پر بھی الزامات عائد کیے۔

ان چاروں افراد کی جانب سے ریحام خان کو قانونی نوٹس بھجوا دیا گیاہے۔ نوٹس میں ریحام خان سے 14 جون تک جواب طلب کیا گیا ہے۔ میڈیا رپورٹ کے مطابق نوٹس میں کہا گیا کہ ریحام خان نے اپنی کتاب میں پہلی شادی کا ذمہ دار اعجاز رحمان کو قراردیا۔ صفحہ 243،417 اور 458 پر انیلہ خواجہ پر عمران خان کے ساتھ تعلقات کا الزام عائد کیاگیا ہے۔ کتاب میں انیلہ خواجہ کو چیف آف حرم قرار دیا گیا۔

صفحہ 402 اور 572 پر وسیم اکرم کی مرحومہ بیوی سے متعلق نہایت گھناؤنے الزامات عائد کیے گئے ہیں۔ قانونی نوٹس میں مزید کہا گیا کہ ریحام خان نے اپنی کتاب میں زلفی بخاری پر لندن میں ایک خاتون کا اسقاط حمل کروانے کا الزام عائد کیا۔ ریحام خان کی کتاب نے نیا پنڈوراباکس کھولا تو سب ہکا بکا رہ گئے ۔ ریحام خان کی کتاب میں عائد کیے گئے الزامات پر بات کرتے ہوئے معروف صحافی مبشر لقمان نے کہا کہ وسیم اکرم ، اعجاز رحمان اور انیلہ خواجہ کو تو میں ذاتی طور پر جانتا ہوں ، زلفی بخاری کو میں ذاتی حیثیت میں نہیں جانتا البتہ میں ان سے متعلق جانتا ہوں ،اور یہ کہہ سکتا ہوں کہ سب لوگ باعزت ہیں۔

وسیم اکرم کی مرحومہ اہلیہ پر ریحام خان نے الزامات عائد کیے جو افسوسناک ہے۔ وسیم اکرم نے اور ان کے بچوں نے اپنی والدہ کی ایک سنجیدہ اور دکھ بھری موت دیکھی ہے ، ان کا پہلے یہاں علاج ہوا جس کے بعد انہیں سنگاپور جاتے ہوئے بھارت اتارنا پڑا، لیکن ریحام خان کو کوئی لحاظ نہیں ہے۔ انیلہ خواجہ کو میں نے خود دیکھا ہے میں ان کو جانتا ہوں اور میں نے دھرنے کے دنوں میں ان سے بہت رابطہ ہوا۔

وہ دھرنے میں انٹرنیشنل میڈیا کو دیکھ رہی تھیں، میں ان کی بہت عزت کرتا ہوں، رہی بات ڈاکٹر اعجاز رحمان کی تو میں ان کا انٹرویو کر چکا ہوں ، ان سے ملاقات بھی کی ہے وہ بھی نہایت اچھے، منکسر المزاج اور دھیمے انسان ہیں۔ انہوں نے کہا کہ وہ گھریلو نوعیت کے مرد ہیںمبشر لقمان نے مزید کہا کہ اب ریحام خان بالکل پاگل ہو گئی ہے اور اسی لیے اس طرح کے الزامات عائد کر رہی ہے ۔
Live پاکستان تحریک انصاف سے متعلق تازہ ترین معلومات