چیئرمین تحریک انصاف عمران خان کیلئے این اے 35 کے کاغذات نامزدگی وصول کرلیے گئے ،

کاغذات نامزدگی بنی گالہ اسلام آباد سے دستخط ہونے کے بعد آج ریٹرنگ آفیسر کو جمع کرائے جائیںگے ،مطیع اللہ خان

بدھ 6 جون 2018 22:23

چیئرمین تحریک انصاف عمران خان کیلئے این اے 35 کے کاغذات نامزدگی وصول ..

بنوں(اُردو پوائنٹ اخبارتازہ ترین - آئی این پی۔ 06 جون2018ء) پاکستان تحریک انصاف کے چیئرمین عمران خان نے این اے 35 کیلئے کاغذات نامزدگی حاصل کر لیے گئے ، پی ٹی آئی راہنمائوں نعیم الحق اور علی آمین گنڈہ پور کی خصوصی ہدایت پر پاکستان تحریک انصاف بنوں کے صدر اور عمران خان الیکشن کیمپئن بنوں کے انچارج مطیع اللہ خان نے تحصیل کونسل میں اپوزیشن لیڈر تحصیل کونسلر ملک خالد خان اور سابق ضلعی جنرل سیکرٹری آصف الرحمن کے ہمراہ الیکشن کمیشن آف پاکستان بنوں کے دفتر سے پارٹی کے چیئرمین عمران خان کیلئے این اے 35 سے انتخاب لڑنے کیلئے کاغذات نامزدگی حاصل کرلی ہیں ۔

(جاری ہے)

اُنہوں نے بتایا کہ کاغذات نامزدگی بنی گالہ اسلام آباد پہنچائے جائے گے، جہاں سے دستخط کرانے کے بعد آج جمعرات کے روز الیکشن کمیشن آف پاکستان کی طرف سے مقررہ ریٹرنگ آفیسر کے پاس جمع کی جائے گی پاکستان تحریک انصاف کے چیئرمین عمران خان کے ختمی فیصلہ کے بعد اُن کا براہ راست مقابلہ سابق وفاقی وزیر اکرم خان دُرانی سے ہوگا ۔