آئندہ چوبیس گھنٹوں کے دوران ملک کے بیشتر علاقوں میں موسم شدید گرم اور خشک رہے گا، کشمیر اور اس سے ملحقہ پہاڑی علاقوں میں بعض مقامات پر تیزہوائوں اور گرج چمک کے ساتھ بارش کا امکان ہے، وسطی پنجاب اورمشرقی بلوچستان میں درجہ حرارت50 ڈگری سینٹی گریڈ تک جا سکتا ہے، محکمہ موسمیات

جمعرات جون 10:40

اسلام آباد ۔ (اُردو پوائنٹ اخبارتازہ ترین۔ 07 جون2018ء) محکمہ موسمیات نے آئندہ ایک دو روز کے دوران ملک کے بیشتر وسطی اور جنوبی علاقے شدید گرمی کی لپیٹ میں رہنے اوراندرون سندھ،، جنوبی اور وسطی پنجاب اورمشرقی بلوچستان میں درجہ حرارت50 ڈگری سینٹی گریڈ تک بڑھنے کی پیش گوئی کی ہے۔

(جاری ہے)

رپورٹ کے مطابق آئندہ چوبیس گھنٹوں کے دوران ملک کے بیشتر علاقوں میں موسم شدید گرم اور خشک رہے گاتاہم کشمیر اور اس سے ملحقہ پہاڑی علاقوں میں بعض مقامات پر تیزہوائوں اور گرج چمک کے ساتھ بارش کا امکان ہے جبکہ (آج) جمعہ کو ملک کے بیشتر علاقوں میں موسم شدید گرم اور خشک رہے گاجبکہ گوجرانوالہ ڈویژن، کشمیر اور اس سے ملحقہ پہاڑی علاقوں میں بعض مقامات پر تیزہوائوں اور گرج چمک کے ساتھ بارش کی توقع ہے۔

گزشتہ 24 گھنٹوں کے دوران ملک کے بیشتر علاقوں میں موسم شدید گرم اور خشک رہاہے اور اسلام آباد، بالائی پنجاب،، بالائی خیبرپختونخوا اور کشمیر میں چند مقامات پر تیز ہوائوں اور گرج چمک کے ساتھ بارش ہوئی ہے۔