روسیکے ساتھ تعلقات کی بحالی کے لئے مذاکرات ضروری ہیں، جرمن سفیر

جمعرات جون 11:04

برلن۔ (اُردو پوائنٹ اخبارتازہ ترین۔ 07 جون2018ء) روس کے لئے جرمنی کے سفیر ڈِرک ویزے نے کہا ہے کہ روسی اور جرمن تعلقات کی بحالی کے لئے مذاکرات ضروری ہیں۔۔جرمن نشریاتی ادارے کے مطابق حال ہی روسی دورہ مکمل کرنے والے سفیر نے کہا ہے کہ ان دونوں ملکوں کے درمیان تعاون بڑھانے سے یہ ملک قریب تر ہو سکتے ہیں۔ ڈِرک ویزنے کہا کہ اٴْن کا پہلا روسی دورہ خاصا مفید رہا ہے۔

اس دورے کے دوران ماسکو اور سینٹ پیٹرزبرگ میں قیام کے دوران انہوں نے گرمجوشی کو محسوس کرنے کے ساتھ ساتھ یہ تاثر بھی لیا کہ عام لوگ اور کاروباری حلقے جرمنی میں خاص دلچسپی رکھتے ہیں۔انہوں نے یہ بھی واضح کیا کہ رواں برس کے دوران وہ روس کے مزید دورے کر سکتے ہیں۔ ڈرک ویزے کے خیال میں 11 جون کو برلن میں یوکرینی امن مذاکرات روس اور جرمن تعلقات کو مزید آگے بڑھا سکتے ہیں۔

(جاری ہے)

انہوں نے واضح کیا کہ روس اور جرمنی میں خلیج کی وجہ یوکرینی تنازعہ ہے۔۔جرمن پارلیمانی سفیر نے بتایا کہ سینٹ پیٹرز برگ ڈائیلاگ میں اٴْن کے ہم منصب میخائل فیڈوٹوف تھے اور مختلف امور پر ہونے والی بات چیت انتہائی مثبت رہی۔واضح رہے کہ سینٹ پیٹرز ڈائیلاگ حقیقت میں جرمنی اور روس کے درمیان مکالمتی و مذاکراتی فورم ہے۔ رواں برس اس فورم کا اجلاس اکتوبر میں روسی دارالحکومت ماسکو میں ہو گا۔

متعلقہ عنوان :