لندن میں گن پوائنٹ پرنامعلوم افراد صحافی سے ہزاروں پائونڈ قیمتی کیمرہ چھین کر فرار

ٹی وی رپورٹر اس وقت ہکابکا رہ گیا جب اچانک چور آئے اور پستول دکھا کر بیش قیمتی کیمرہ چھین کر لے گئے

جمعرات 7 جون 2018 14:38

لندن(اُردو پوائنٹ اخبارتازہ ترین۔ 07 جون2018ء) لندن میں ایک ٹی وی رپورٹر اس وقت ہکابکا رہ گیا جب اچانک چور اس کے قریب آئے اور پستول دکھا کر اس کا بیش قیمتی کیمرہ چھین کر لے گئے ۔

(جاری ہے)

میڈیا رپورٹس کے مطابق آسٹریلوی ٹی وی کا یہ رپورٹر لائیو کوریج ختم کر کے جانے ہی والا تھا کہ اچانک ہی ماسک سے چہرہ چھپائے کچھ ڈاکو اسلحہ لیے اس کے قریب آئے اور15ہزار پاونڈ کے کیمرہ کا تقاضا کیا ،بیچارہ رپورٹر پستول کے نشانے پر خود کو پا کرکچھ نہ کر پایا اور انہیں کیمرہ دے اپنی جان بچائی۔

ٹی وی کے ایک ممبر کے موبائل سے ریکارڈ کی گئی ویڈیو سے پولیس نے تحقیقات کا آغازکرتے ہوئے چوروں کی تلاش بھی شروع کر دی ہے۔واضح رہے لندن میں بڑھتے ہوئے کرائم ریٹ سے آئے دن اس نوعیت کی وارداتوں میں اضافہ ہوتا جا رہاہے۔