پی ٹی آئی کشمیر کے صدر بیرسٹر سلطان محمود کل مظفر آباد میں اپنے اعزاز میں دئیے گئے افطار ڈنر سے خطاب کریں گے

جمعرات 7 جون 2018 16:01

اسلام آباد(اُردو پوائنٹ اخبارتازہ ترین - آئی این پی۔ 07 جون2018ء) آزاد کشمیر کے سابق وزیر اعظم و پی ٹی آئی کشمیر کے صدر بیرسٹر سلطان محمود چوہدری کے آزاد کشمیر میں افطار ڈنرز کے موقع پر جلسوں سے خطاب کاسلسلہ جاری ہے پروگرام کے مطابق اس سلسلے میں بیرسٹر سلطان محمود چوہدری کل 8 جون بروز جمعتہ المبارک کودارالحکومت مظفر آباد میں اپنے اعزاز میں دئیے گئے افطار ڈنر سے خطاب کریں گے جبکہ اسی طرح 9 جون بروزہفتہ میرپور میں افطار ڈنر سے خطاب کریں گے۔

(جاری ہے)

جبکہ رمضان المبارک کا آخری عشرہ وہ پی ٹی آئی کے امیدواروں کے انتخابی مہم چلانے کے لئے پاکستان کے مختلف علاقوں میں افطار ڈنر کے موقع پر خطاب کریں گے۔اس سلسلے میں وہ لاہور، نارووال، شکر گڑھ،سیالکوٹ ڈسکہ اور دیگر علاقوں کا دورہء کریں گے۔ بیرسٹر سلطان محمود چوہدری پی ٹی آئی کے امیدواروں کی انتخابی مہم کے سلسلے میں عید کے بعد بھی پاکستان کے مختلف علاقوں کو دورہء کریں گے۔