جنوبی افریقہ میں جڈیجا کے منہ پرمکا جڑنے کا سوچا تھا، روہت شرما کا انکشاف

جمعرات 7 جون 2018 16:02

ممبئی(اُردو پوائنٹ اخبارتازہ ترین - آئی این پی۔ 07 جون2018ء) بھارتی بیٹسمین روہت شرما نے انکشاف کیا کہ جنوبی افریقہ میں جنگل سفاری کے درمیان انھوں نے رویندرا جڈیجا کے منہ پر مکا جڑنے کا سوچا تھا۔

(جاری ہے)

روہت شرما نے ایک پروگرام میں کہا کہ اس سفاری کے دوران ہم لوگ کافی محتاط تھے، ایک جگہ پر چیتوں کے بارے میں خبردار کیا گیا تھا، گاڑی میں مجھ سمیت اجنکیا راہنے اور ہماری بیگمات بیٹھی ہوئی تھیں، ایسے میں جڈیجا نے الٹی سیدھی آوازیں نکالنا شروع کردیں۔

انہوں نے بتایا کہ ہم نے انھیں روکا مگر اس دوران آواز سن کر 2، 3 چیتے وہاں آگئے اور ہمیں گھورنا شروع کردیا، اس وقت میں سخت غصے میں تھا، میرا دل چاہ رہا تھا کہ جڈیجا کے منہ پر مکا جڑ دوں مگر پھر خود کو ٹھنڈا رکھا اور ہم وہاں سے بخیریت آگے بڑھ گئے۔