ا لیکشن کمیشن کسی دبا میں آکر کام نہیں کرتا،حسن عسکری کا نام متفقہ طور پر فائنل کیا گیا،ترجمان الیکشن کمیشن

ہم نے آئین و قانون کے تحت جانا ہے اس کے علاوہ اور کوئی راستہ نہیں، حسن عسکری کے نام کا فیصلہ بھی آئین و قانون کے دائرے میں ہو،چار ناموں پر انتہائی آئینی طریقے سے مشاورت کی گئی،ترجمان الیکشن کمیشن کا (ن) لیگ کے بیان پر ردعمل

جمعرات 7 جون 2018 17:28

ا لیکشن کمیشن کسی دبا میں آکر کام نہیں کرتا،حسن عسکری کا نام متفقہ ..

اسلام آباد(اُردو پوائنٹ اخبارتازہ ترین - آئی این پی۔ 07 جون2018ء) ترجمان الیکشن کمیشن نے کہا ہے کہ ا لیکشن کمیشن کسی دبا میں آکر کام نہیں کرتا، حسن عسکری کا نام متفقہ طور پر فائنل کیا،ہم نے آئین و قانون کے تحت جانا ہے اس کے علاوہ اور کوئی راستہ نہیں، حسن عسکری کے نام کا فیصلہ بھی آئین و قانون کے دائرے میں ہو۔

(جاری ہے)

جمعرات کو ترجمان الیکشن کمیشن الطاف خان نے پنجاب کے نگران وزیراعلی ک کیلئے (ن)لیگ کی جانب سے حسن عسکری کا نام مسترد کیے جانے اور فیصلے پر نظر ثانی کے مطالبے پر اپنے ردعمل میں کہاکہ نگران وزیراعلی کا انتخاب سیاستدانوں کا کام تھا، ہمارے پاس ایک آئینی تقاضہ تھے، انہوں نے چار نام ہمیں دیئے۔

جن پر انتہائی آئینی و قانونی طریقے سے مشاورت کی گئی اور ہر ایک چیز کو پرکھا گیا، الیکشن کمیشن کے چاروں ممبران اور چیف الیکشن کمشنر نے حسن عسکری کے نا م پر متفقہ طور پر اتفاق کیا۔ترجمان الیکشن کمیشن نے کہا الیکشن کمیشن کسی دبا میں آکر نہیں بلکہ میرٹ پر کام کرتاہے، ہم نے آئین و قانون کے تحت جانا ہے اس کے علاوہ اور کوئی راستہ نہیں، حسن عسکری کے نام کا فیصلہ بھی آئین و قانون کے دائرے میں ہوا۔