جنوبی پنجاب کو کھجور کی وادی بنانے کیلئے منصوبہ شروع

جمعرات 7 جون 2018 22:27

لاہور۔7 جون(اُردو پوائنٹ اخبارتازہ ترین - اے پی پی۔ 07 جون2018ء) محکمہ زراعت پنجاب کا جنوبی پنجاب کو کھجور کی وادی بنانے کیلئے منصوبہ شروع ہو گیا ہے۔اس حوالے سے ہزاروں ایکڑ رقبہ پر کھجور کی کاشت کو یقینی بنایا جائے گا۔اس ضمن میں اعلی اور معیاری کھجور درآمد کی جائے گی۔پاکستان میں کھجور کی پیداوار سالانہ ساڑھی5 لاکھ ٹن سے تجاوز کر چکی ہے جس سے سالانہ 30 کروڑ ڈالر زرمبادلہ حاصل ہوتا ہے۔

(جاری ہے)

پاکستان میں بہتر انتظامی سہولیات کی وجہ سے برآمدی کھجور کی رقم 20 کروڑ ڈالر سے بڑھ کر30 کروڑ ڈالر تک جا پہنچی ہے۔امسال سیکرٹری زراعت پنجاب کی ہدایت پر78 کروڑ روپے کی لاگت سے شروع کیے گئے اس منصوبے کے تحت جنوبی پنجاب کے 9 اضلاع بہاولپور، ملتان، جھنگ،ڈیرہ غازیخاں،راجن پور،مظفر گڑھ،لیہ،بھکر،اور رحیم یار خان میںاعلی نسل کھجو رکے پودے مفت تقسیم کئے جا رہے ہیں جس کی وجہ سے کھجور کی پیداوار میں یقینی اضافہ ہوگا۔اجوہ ،امبر،بڑھی،خلاص،مڈجول اقسام کی کھجوروں کے امپورٹیڈ پودے کاشتکاروں میں مفت تقسیم کئے جا رہے ہیں۔

Facebook Twitter Google + Share on Whatsapp

جنوبی پنجاب کو کھجور کی وادی بنانے کیلئے منصوبہ شروع

متعلقہ عنوان :

مزید زراعت کی خبریں