الیکشن کمیشن نے فرائض سے غفلت برتنے پر 4اسسٹنٹ ریٹرننگ افسران کو معطل کردیا ، انکوائری کا حکم

جمعرات 7 جون 2018 22:37

اسلام آبا(اُردو پوائنٹ اخبارتازہ ترین - آئی این پی۔ 07 جون2018ء) الیکشن کمیشن نے فرائض سے غفلت برتنے پر 4اسسٹنٹ ریٹرننگ افسران کو معطل کر تے ہوئے ان کے خلاف انکوائری کا حکم دے دیا ۔

(جاری ہے)

جمعرات کو ترجمان الیکشن کمیشن کے مطابق الیکشن کمیشن نے تمام ڈسٹرکٹ ریٹرننگ افسران ، اسسٹنٹ ریٹرننگ افسران ، پولنگ افسران کو ہدایات جاری کی ہیں کہ الیکشن ایکٹ 2017کے تحت وہ اپنی تعیناتی کے بعد انتظامی طور رپر الیکشن کمیشن کے ماتحت ہیں اس لحاظ سے اپنے فرائض میں کسی بھی قسم کی غفلت یا کوتاہی کی صورت میں الیکشن کمیشن کی جانب سے انضباطی کارروائی عمل میں لائی جا گئے ۔

اس ضمن میں الیکشن کمیشن نے ریٹرننگ افسر، ریٹرننگ آفیسر کی تجاویز پر ایگزیکٹو انجینئر واپڈا خیرپور جو کہ اسسٹنٹ ریٹرننگ آفیسر این ای210تعینات ہیں اسے فرائض سے غفلت پر معطل کیا ہے ۔ اس طرح اسسٹنٹ ریٹرننگ آفیسر این ای209ایگزیکٹیو انجینئر بلڈنگ خیرپور، اسسٹنٹ ریٹرننگ آفیسر پی پی 40سیالکوٹ ، چیف پوسٹ ماسٹر سیالکوٹ اور اسسٹنٹ ریٹرننگ آفیسرپی پی 26کوئٹہ سپرنٹنڈنٹ لوکل گورنمنٹ ڈیپارٹمنٹ کوئٹہ کو فرائض سے غفلت پر معطل کر دیے ۔ الیکشن کمیشن نے ان تمام معطل افسران کے خلاف انکوائری کا حکم بھی دیدیا ہے ۔