کسی کی کتاب سے ووٹ بنک پر اثر نہیں پڑے گا،اسد عمر

آئندہ حکومت تحریک انصاف کی بننے جارہی ہے، گفتگو

جمعرات 7 جون 2018 23:47

اسلام آباد(اُردو پوائنٹ اخبارتازہ ترین - آن لائن۔ 07 جون2018ء) پاکستان تحریک انصاف کے سینئر رہنما و سابق ممبر قومی اسمبلی اسد عمر نے کہا ہے کہ نظر آرہا ہے کہ اگلی حکومت پی ٹی آئی کی بننے جارہی ہے،کسی کی کتاب سے ووٹ بنک پر اثر نہیں پڑے گا،عمران خان پاکستان میں چار یا پانچ حلقوں سے الیکشن لڑیں گے۔ان خیالات کا اظہار انہوں نے گزشتہ روز کاغذات نامزدگی جمع کروانے کے بعد میڈیا سے گفتگو کرتے ہوئے کیا۔

(جاری ہے)

اسد عمر نے کہا کہ بہت بڑی تعداد میں امیدواروں کا اعلان آج ہوجائے گا،پارلیمانی بورڈ اپنا آدھے سے زیادہ کام کرچکا ہے،اسلام آباد کے عوام کے لیے سب سے زیادہ اسمبلی میں آواز اٹھائی،ہمارا ووٹر تقسیم نہیں ہوگا۔ان کا مزید کہنا تھا کہ نظر آرہا ہے کہ اگلی حکومت پی ٹی آئی کی بننے جارہی ہے،کسی کی کتاب سے ووٹ بنک پا اثر نہیں پڑے گا،عمران خان پاکستان میں چار یا پانچ حلقوں سے الیکشن لڑیں گی۔