عمران خان کا 5 حلقوں سے انتخابی میدان میں اٴْترنے کا فیصلہ

چیئر مین پی ٹی آئی کراچی، لاہور، راولپنڈی، میانوالی اور بنوں سے الیکشن لڑیں گے

جمعہ 8 جون 2018 00:06

عمران خان کا 5 حلقوں سے انتخابی میدان میں اٴْترنے کا فیصلہ

لاہور (اُردو پوائنٹ اخبارتازہ ترین - این این آئی۔ 07 جون2018ء) پاکستان تحریکِ انصاف کے چیئرمین عمران خان نے ملک کے پانچ حلقوں سے انتخابی میدان میں اترنے کا فیصلہ کیا ہے۔ذرائع کے مطابق پی ٹی آئی چیئرمین عمران خان کراچی، لاہور، راولپنڈی، میانوالی اور بنوں سے الیکشن لڑیں گے۔ انہوں نے پارٹی رہنماؤں سے مشاورت کے بعد 5 حلقوں سے الیکشن لڑنے کا فیصلہ کیا ہے۔

(جاری ہے)

ذرائع کے مطابق عمران خان این اے 26 بنوں اور این اے 61 راولپنڈی سے امیدوار ہوں گے جبکہ اپنے آبائی علاقے این اے 95 میانوالی سے بھی الیکشن لڑیں گے۔اس کے علاوہ عمران خان این اے 131 لاہور اور این اے 243 کراچی سے بھی امیدوار ہوں گے۔ عمران خان این اے 131 لاہور میں (ن) لیگ کے امیدوار خواجہ سعد رفیق سے مقابلہ کریں گے۔ این اے 26 بنوں میں عمران خان کا جے یو آئی کے اکرم درانی سے مقابلہ ہو گا۔