آئرلینڈ میں تاریخی قلعہ نما محل کی سیکورٹی سخت،برطانوی جوڑے کی ہنی مون آنے کی اطلاعات

مہنگے ترین محل کے ایک کمرے کاروزانہ کرایہ چھ لاکھ روپے ہے، عام افراد کے لیے بند،سیکورٹی کے سخت انتظامات

جمعہ 8 جون 2018 12:29

آئرلینڈ میں تاریخی قلعہ نما محل کی سیکورٹی سخت،برطانوی جوڑے کی ہنی ..

ڈبلن(اُردو پوائنٹ اخبارتازہ ترین - این این آئی۔ 08 جون2018ء) آئر لینڈ میں واقع تیرہویں صدی کے قلعہ نمامحل کی سیکیورٹی بڑھادی گئی ہے، کہیں برطانیہ کے شہزادہ ہیری اپنی دلہن میگھن مارکل کے ساتھ آئرلینڈمیں توہنی مون نہیں منارہے ہیں برطانوی میڈیاکے مطابق ایسی اطلاعات ہیں کہ نوبیاہتاجوڑا آئرلینڈمیں واقع قلعے میں ہنی مون منارہاہے جسکے کمرے کاروزانہ کرایہ چھ لاکھ روپے ہے۔

(جاری ہے)

قلعے کی سیکیورٹی انتہائی سخت کیے جانے کے سبب علاقے کے افراد کاخیال ہے کہ ڈیوک اورڈچزآف سسکس ایشفورڈکاسل میں قیام کیے ہوئے ہیں۔رپورٹ کے مطابق اس قلعے کو عام افراد کے لیے بند کردیا گیا ہے۔یہ قلعہ نمامحل دنیا بھرکی سیلیبریٹیز کاپسندیدہ مقام ہے اور معروف گالفر روری مک لوری کی شادی بھی یہیں ہوئی تھی۔ میگھن مارکل اور شہزادہ ہیری نے پرنس چارلس کی سالگرہ کی تقریب میں شرکت کیلئے اپنا ہنی مون ملتوی کردیا تھا۔