چین آسٹریلوی وزیر خارجہ کو دورہ کرنے کی اجازت دے، آسٹریلوی درخواست

جمعہ 8 جون 2018 13:03

سڈنی ۔ (اُردو پوائنٹ اخبارتازہ ترین - اے پی پی۔ 08 جون2018ء) آسٹریلوی حکومت نے چین سے درخواست کی ہے کہ دونوں ملکوں کے دو طرفہ تعلقات میں پائی جانے والی کشیدگی میں کمی کے لیے وزیر خارجہ کے دورے کی منظوری دی جائے۔

(جاری ہے)

جرمن نشریاتی ادارہ کے مطابق آسٹریلوی وزارت خارجہ نے یہ بھی کہا ہے کہ چین کے ساتھ سکیورٹی ڈائیلاگ کے لیے کسی تاریخ کے تعین کی کوششیں جاری ہیں۔ آسٹریلوی درخواست پر چین کی جانب سے کوئی ردعمل ظاہر نہیں کیا گیا ہے۔ 2014ء کے بعد سے آسٹریلیا اور چین کے وزرائے خارجہ نے تواتر کے ساتھ سالانہ بنیاد پر ملاقاتوں کا سلسلہ جاری رکھے ہوئے ہیں۔ اسی سلسلے میں آسٹریلوی وزیر خارجہ جٴْولی بشپ گزشتہ برس بیجنگ کا دورہ کر چکی ہیں۔