سمندری خوراک کی برآمدات میں 10ماہ کے دوران 17.41فیصد اضافہ

جمعہ 8 جون 2018 13:30

اسلام آباد ۔ (اُردو پوائنٹ اخبارتازہ ترین۔ 08 جون2018ء) رواں مالی سال کے 10مہینوں میں ملک سے سمندری خوراک کی برآمدات میں 17.41فیصد اضافہ ریکارڈ کیا گیا۔

(جاری ہے)

ادارہ شماریات پاکستان کے اعدادوشمارکے مطابق جولائی سے لیکراپریل 2018 ء تک پاکستان نے سمندری خوراک کی برآمدات سے 371.656ملین ڈالر کازرمبادلہ حاصل کیا، گزشتہ مالی سال کے اسی عرصہ میں پاکستان نے سمندری خوراک کی برآمدات سے 316.469ملین ڈالر کازرمبادلہ حاصل کیا تھا، یوں مجموعی طورپر برآمدات میں 17.41فیصد اضافہ دیکھنے میں آیا ہے۔اس عرصہ میں بلحاظ حجم سمندری خوراک کی برآمدات میں 27فیصد اضافہ ہواہے۔