(ن) لیگ کی حکومت نے ریاستی عوام کو سہولیات فراہمی کی بجائے تنگ کرنا شروع کررکھا ہے، مالی سال 2018-19ء کے لیے آزادکشمیر حکومت نے الفاظ کے ہیر پھیر کا بجٹ پیش کیا ہے، بڑے بجٹ کے دعویدار سابقہ بجٹ کا سات ارب روپے خرچ نہیں کرسکے، اس سے بڑی نالائقی کیا ہوگی کہ پیسہ موجود ہو لیکن خرچ نہ کرسکنے کی وجہ سے عوامی مسائل حل نہ ہو سکیں

پیپلزپارٹی آزادکشمیر نیلم کے رہنما، صدربلاول بھٹوفورس متحدہ عرب امارات سردار محمد صادق کی میڈیا سے بات چیت

جمعہ جون 15:45

مظفرآباد/ متحدہ عرب امارات (اُردو پوائنٹ اخبارتازہ ترین۔ 08 جون2018ء) پاکستان پیپلزپارٹی آزادکشمیر نیلم کے رہنما، صدربلاول بھٹوفورس متحدہ عرب امارات سردار محمد صادق نے کہا ہے کہ (ن) لیگ کی حکومت نے ریاستی عوام کو سہولیات فراہمی کی بجائے تنگ کرنا شروع کررکھا ہے، مالی سال 2018-19ء کے لیے آزادکشمیر حکومت نے الفاظ کے ہیر پھیر کا بجٹ پیش کیا ہے، بڑے بجٹ کے دعویدار سابقہ بجٹ کا سات ارب روپے خرچ نہیں کرسکے، اس سے بڑی نالائقی کیا ہوگی کہ پیسہ موجود ہو لیکن خرچ نہ کرسکنے کی وجہ سے عوامی مسائل حل نہ ہو سکیں، ن لیگی حکومت اس شخص کی مانند ہے جس کے جیب میں لاکھوں روپے ہوں اور وہ کسی۔

(جاری ہے)

بھوکے شخص کو کھانا تک نہ کھلا سکے، گزشتہ روز میڈیا نمائندوں سے بات چیت کرتے ہوئے انہوں نیکہاکہ آزادکشمیر میں ن لیگ کی حکومت بجٹ پیش کرکے تعریفیں کرنے سے نہیں تھکتی کہ ہم نے تاریخی بجٹ پیش کردیا ہے مگر یہ بجٹ صرف عوام کی آنکھوں میں دھول جھونکنے کے مترادف ہے، سابقہ بجٹ میں سے سات ارب روپے خرچ نہ کرسکنے والے اب کونسے تیرماریں گے، انہوں نیکہاکہ موجودہ بجٹ میں ایک نئے تعلیمی ادارے کا قیام نہیں ہورہا، تعلیم پر ان حکمرانوں کی توجہ نہیں یہ صرف اجارہ داری کو فروغ دینا چاہتے ہیں، عوام ناکام لیگ کے نالائق حکمرانوں کی باتوں میں نہیں آئیں گے۔