خیبر پختونخوا حکومت کا صوبے کے مختلف حصوں میں چینی زبان کے چار مرکز قائم کرنے کا فیصلہ

جمعہ 8 جون 2018 16:59

اسلام آباد ۔ (اُردو پوائنٹ اخبارتازہ ترین - اے پی پی۔ 08 جون2018ء) خیبر پختونخوا حکومت کاصوبے کے مختلف حصوں میں چینی زبان کے چار مرکز قائم کرنے کا فیصلہ کیا ہے جس میں پشاور، ایبٹ آباد، ہری پور اور ڈیرہ اسماعیل میں ایک ایک مرکز کھولا جائے گا۔

(جاری ہے)

سرکاری ذرائع نے بتایا کہ پشاور، ایبٹ آباد، ہری پور اور ڈیرہ اسماعیل میں ایک ایک مرکز کھولا جائے گاجبکہ ان مراکز کے قیام سے خیبرپختونخوا اور فاٹا کے تعلیم یافتہ نوجوان چین پاکستان اقتصادی راہداری سے متعلق منصوبوں میں ملازمتیں حاصل کرسکیں گے۔

چین پاکستان اقتصادی راہدری (سی پیک ) منصوبے کی وجہ سے اردو اور چینی زبانیں سیکھنے کے رجحان میں نمایاں اضافہ ہوا ہے۔جس کی بنیادی وجہ اس بڑے منصوبے میں ہونے والی ریکارڈ سرمایہ کاری سے فائدہ اٹھانا ہے۔اس منصوبے سے پاکستان میں روزگار کے وسیع مواقع دستیاب ہوں گے۔پاکستان میں چینی زبان بولنے والے پاکستانیوں کی طلب میں اضافہ ہوا ہے اور بھاری معاوضہ پر ان کی خدمات لیں جارہی ہیں اسی طرح چین میں ’’اردو‘‘ زبان بولنے والوں کی طلب بھی بڑھ رہی ہے۔