سینیٹر جہانزیب جمالی دینی کی زیر صدارت سینیٹ قائمہ کمیٹی برائے شماریات کا اجلاس
وزارت شماریات اور اس کے ماتحت اداروں کے کام کے طریقہ کار ،کارکردگی ، بجٹ ، ملازمین کی تعداد ، ماتحت اداروں کو درپیش مسائل کے معاملات کا تفصیل سے جائزہ لیا گیا
جمعہ 8 جون 2018 18:02
(جاری ہے)
اس کا کام کافی وسیع ہے ،مختلف اداروں کو ٹیکنیکل اور شماریات کی سپورٹ فراہم کرتے ہیں۔
معلومات کا انحصار ابتدائی اور سکینڈری ڈیٹا پر کرتے ہیں ابتدائی ڈیٹا پہلی دفعہ اکھٹا ہوتا ہے جو براہ راست حاصل کیا جاتا ہے سکینڈری ڈیٹا دیگر تنظیموں سے حاصل کیا جاتا ہے۔ سینیٹر شبلی فراز نے کہا کہ انتہائی اہم وزارت ہے مگر شماریات کے لحاظ سے ہم بہت پیچھے ہیں۔ حقیقت پر مبنی معلومات ہونی چاہیں۔ کسی بھی ملک کیلئے ڈیٹا لائف لائن ہوتی ہے اس کو بین الاقوامی معیار کا ہونا چاہیے۔ قائمقام چیف شماریات ڈاکٹر سجاد اختر نے قائمہ کمیٹی کو بتایا کہ اس کی ایک گورننگ کونسل ہے جس میں ٹیکنیکل اور دیگر ماہرین شامل ہوتے ہیں۔ گورننگ کونسل کا سربراہ منسٹر ہوتا ہے۔ جس کے پانچ ممبران ہوتے ہیں۔ اس کے ملک بھر میں 35 دفاتر ہیں اور 3631 منظور شدہ پوسٹیں ہیں جن میں سے 2569 پوسٹوں پر لوگ کام کر رہے ہیں باقی خالی ہیں۔ وزارت انسداد منشیات کنڑول کے ساتھ منشیات استعمال کرنے والوں کا سروے بھی کیا جا رہا ہے۔ قائمہ کمیٹی کو بتایا گیا کہ ادارے کا بنیادی کام آبادی کی مردم شماری اور گھروں کی خانہ شماری کرانا کے علاوہ مختلف قسم کے سروے کرا کر معلومات حاصل کرنا ہے۔ جن میں قیمتوں کا سروے ، لیبر فورس سروے ، بیرونی تجارت ، ملک میں کان کنی ، زراعت ، بجلی کی پیدا وار، گھریلو آمدن و اخراجات ، ماحولیات ، تعلیم، ٹرانسپورٹ ، سیاحت ، ڈیمو گرافی ، بنکنگ و دیگر شامل ہیں۔ ادارہ ایکٹ میں شامل مینڈیٹ کے مطابق سروے کا انعقاد کرتا ہے۔ سیکرٹری شماریات نے کہا کہ ہر وہ ڈیٹا تیار کیا جاتا ہے جس کی حکومت کو ضرورت ہوتی ہے۔ قائمہ کمیٹی کو بتایاگیا کہ ادارے کا بجٹ 2.2 ارب ہے اور ڈیٹا محفوظ کرنے کیلئے 128 ٹیرابائیٹ کی سپیس موجود ہے۔ چیئرمین کمیٹی سینیٹر ڈاکٹر جہانزیب جمال دینی نے کہا کہ کمیٹی کے آج کے اجلاس میں ادارے کے کام کے طریقہ کار اور کارکردگی کا جائزہ لیا گیا ہے آئندہ اجلاس میں ادارے کی افادیت کو مزید بہتر کرنے کیلئے شفارشات بھی مرتب کی جائیں گی اور وزارت کارکردگی کو بہتر کرنے کیلئے تجاویز کمیٹی کو فراہم کرے۔ قائمہ کمیٹی کے آج کے اجلاس میں سینیٹر ز لیفٹینٹ جنرل (ر) عبدالقیوم ، شبلی فراز اور رخسانہ زبیری کے علاوہ سیکرٹری شماریات ، قائمقام چیف شماریات و دیگر حکام نے شرکت کی۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.