پرویز مشرف ایک آمر ،آئین کو روندا ،اس پر آرٹیکل 6 کے تحت مقدمہ چل رہا ہے، زاہد خان

چیف جسٹس کے فیصلے کی سمجھ نہیں آئی،سابق آمر الیکشن لڑیں لیکن پہلے آرٹیکل 6 کے تحت مقدمے سے بری تو ہوں، بیان

جمعہ 8 جون 2018 18:31

اسلام آباد (اُردو پوائنٹ اخبارتازہ ترین - این این آئی۔ 08 جون2018ء) عوامی نیشنل پارٹی کے مرکزی رہنما زاہد خان نے کہا ہے کہ پرویز مشرف ایک آمر ہے جس نے آئین کو روندا ،اس پر آرٹیکل 6 کے تحت مقدمہ چل رہا ہے۔

(جاری ہے)

ایک بیان میں زاہد خان نے کہا کہ ایک ایسے شخص کو کیسے الیکشن لڑنے کی اجازت دی جا رہی ہی چیف جسٹس کے فیصلے کی سمجھ نہیں آئی۔انہوں نے کہا کہ پرویز مشرف ایک بھگوڑا ہے، چیف جسٹس کیسے مشرف کو کہہ رہے ہیں انہیں گرفتار نہیں کیا جائیگا، سابق آمر الیکشن لڑیں لیکن پہلے آرٹیکل 6 کے تحت مقدمے سے بری تو ہوں۔