ْ صوابی پولیس کا ہوائی فائرنگ کی روک تھا م کیلئے ایک بار پھرخصوصی مہم شروع کرنیکا اعلان

جمعہ 8 جون 2018 18:53

صوابی (اُردو پوائنٹ اخبارتازہ ترین - آئی این پی۔ 08 جون2018ء) ضلع بھر میں ڈی پی او صوابی سہیل خالد کی ہدایت پر ہوائی فائرنگ کی روک تھا م کیلئے ایک بار پھرخصوصی مہم شروع کرنے کا اعلان کردیا جس کیلئے ضلعی ایس ڈی پی اوز اعجاز خان ،شکیل خان ،حیدر خان اور حاجی سیف علی خان کونگران مقرر کردیاگیا ہے،ہر تھانے کے ایس ایچ او ز مہم میں پی ایل سی ممبران اور بلدیاتی نمائندوں کی خدمات بھی حاصل کی جائیں گی ،اس سلسلے میں ڈی ایس پی صوابی اعجاز خان نے بتایاکہ ڈی پی او صوابی سہیل خالد کی خصوصی ہدایت پر علاقہ عوام کی جان ومال کی حفاظت اور امن امان کی بقا ء کی خاطرضلع بھر میں ہوائی فائرنگ کی روک تھام یقینی بنانے کیلئے مہم شروع کرنے کا فیصلہ کیاگیا جس کیلئے تیاریاں مکمل کرلی گئی ہیں۔

(جاری ہے)

انہوں نے کہاکہ تھانوں کی سطح پر مہم میں جگہ جگہ بینرز اورپینا فلیکس آویزاں کئے جائیں گے جبکہ ہوائی فائرنگ کرنے والوں کی نشاندہی کیلئے مختلف مقامات پر مقامی تھانہ ایس ایچ او اور ڈی ایس پی کے نمبرات والے بورڈز بھی آویزاں کئے جائیں۔