انسداد دہشت گردی عدالت کا احسن اقبال حملہ کیس میں گرفتار 4 ملزمان کو ضمانت پر رہا کرنے کا حکم

muhammad ali محمد علی جمعہ جون 20:08

انسداد دہشت گردی عدالت کا احسن اقبال حملہ کیس میں گرفتار 4 ملزمان کو ..
گوجرانوالہ (اُردو پوائنٹ اخبارتازہ ترین۔ 08 جون2018ء) گوجرانوالہ میں انسداد دہشت گردی عدالت نے احسن اقبال حملہ کیس میں گرفتار4 ملزمان کو ضمانت پر رہا کرنے کا حکم دے دیا، ملزمان پر مرکزی ملزم عابد حسین کی سہولت کاری کا الزام تھا ۔

(جاری ہے)

انسداد دہشت گردی عدالت گوجرانوالہ میں سابق وزیر داخلہ احسن اقبال حملہ کیس کی سماعت ہوئی عدالت کے جج علی عمران نے مقدمہ میں گرفتار4 ملزمان کی 2،2 لاکھ روپے مچلکوں کے عوض ضمانت منظور کرتے ہوئے انھیں رہا کرنے کا حکم دے دیا۔

ملزمان شاہد، کاشف، عظیم اور سبیل پر مرکزی ملزم عابد حسین کی سہولت کاری کا الزام تھا ، عابد حسین نے 6 مئی کو نارووال میں ایک کارنر میٹنگ کے دوران احسن اقبال پر فائرنگ کی تھی اور پولیس نے عابد حسین کو جائے وقوعہ سے ہی گرفتار کر لیا تھا۔