اقتدار میں آکر ہنگامی بنیادوں پر بلوچستان کی عوام کو ریلیف فراہم کریں گے، یار محمد رند

جمعہ جون 23:16

کوئٹہ۔ (اُردو پوائنٹ اخبارتازہ ترین۔ 08 جون2018ء) پاکستان تحریک انصاف بلوچستان کے صوبائی صدر سردار یار محمد رند نے کہا ہے کہ پاکستان تحریک انصاف بلوچستان کی عوام کی آخری امید ہے اقتدار میں آکر ہنگامی بنیادوں پر بلوچستان کی عوام کو ریلیف فراہم کریں گے صوبے کی عوام کی خدمت ہمارا نصب العین ہے پاکستان تحریک انصاف نے ہمیشہ بلوچستان کے عوام کے حقوق اور ترقی کی بات کی ہے۔

ان خیالات کا اظہار انہوں نے گزشتہ روز سابقہ سیکرٹری، کمشنر میر اسلم جمالی کی پاکستان تحریک انصاف میں شمولیت کے موقع پر کارکنوں سے خطاب کرتے ہوئے کیا۔انہوں نے کہا کہ میر اسلم جمالی کی پاکستان تحریک انصاف میں شمولیت خوش آئند ہے امید کرتے ہیں کہ میر اسلم جمالی پارٹی کی مقبولیت اور فعالیت کے لئے دن رات محنت کریں گے پاکستان تحریک انصاف بلوچستان کی عوام کا احساس محرومی ختم کریگی بلوچستان کی ترقی اور امن کے لئے بہتر پالیسی دیں گے بلوچستان کی عوام کے اعتماد کو کبھی بھی ٹھیس نہیں پہنچائیں گے ۔

(جاری ہے)

صوبائی صدر بلوچستان سردار یار محمد رند نے میر علاؤ الدین مری کو نگران صوبائی وزیر اعلی منتخب ہونے پر مبارکباد پیش کرتے ہوئے کہا کہ امید کرتے ہیں کہ نگران وزیر اعلی بلوچستان بلوچستان میں بہتر الیکشن کرانے میں اپنا مثبت کردار ادا کریں گے۔