ارجنٹائن کے لانزینی کو انجری، عالمی کپ سے باہر

ورلڈ کپ کا آغاز 14 جون سے روس میں ہو گا ،ْ ارجنٹائن کو گروپ ڈی میں آئس لینڈ، کروشیا اور نائیجیریا کا چیلنج درپیش ہو گا

ہفتہ 9 جون 2018 13:58

بیونس آئرس(اُردو پوائنٹ اخبارتازہ ترین - این این آئی۔ 09 جون2018ء) فیفا ورلڈ کپ کے آغاز سے چند دن قبل ارجنٹائن کی ٹیم کو بڑا دھچکا لگا ہے اور مڈ فیلڈر مینوئل لانزینی فٹنس مسائل کے باعث فٹ بال ٹورنامنٹ سے دستبردار ہو گئے۔ورلڈ کپ کا آغاز 14 جون سے روس میں ہو گا جہاں ارجنٹائن کو گروپ ڈی میں آئس لینڈ، کروشیا اور نائیجیریا کا چیلنج درپیش ہو گا۔

(جاری ہے)

ارجنٹائن فٹ بال ایسوسی ایشن کی طرف سے جاری کردہ بیان کے مطابق ڈاکٹرز نے طبی معائنے کے بعد مینوئل کو مکمل آرام کا مشورہ دیا ہے جس کی وجہ سے وہ ورلڈ کپ میں ٹیم کا حصہ نہیں ہوں گے۔لانزینی ٹریننگ کے دوران گھٹنے کی انجری کا شکار ہوئے اور ان کے متبادل کھلاڑی کا اعلان ایک دو روز میں کر دیا جائے گا۔ارجنٹائن کی ٹیم 16 جون کو آئس لینڈ کے خلاف میچ سے ورلڈ کپ میں اپنی مہم کا آغاز کرے گی۔