سابق وزیر اعظم بیرسٹر سلطان محمود چوہدری کا مظفرآباد آمد پر پرتپاک استقبال

ہفتہ 9 جون 2018 15:53

مظفرآباد(اُردو پوائنٹ اخبارتازہ ترین - آئی این پی۔ 09 جون2018ء) پی ٹی آئی آزادکشمیر کے صدر سابق وزیر اعظم بیرسٹر سلطان محمود چوہدری کا دارالحکومت مظفرآباد آمد پر راڑو امبور کے مقام پر پرتپاک استقبال ۔سینکڑوں کارکنوں نے نوجوان رہنما سردار محمد عثمان حیات خان ایڈووکیٹ کی قیادت میں بیرسٹر سلطان محمود چوہدری کا استقبال کیا ۔اس موقع پر ان پر پھولوں کی پتیاں نچھاور کی گئیںاور ہار ڈالے گئے ۔

(جاری ہے)

کارکنوں نے بیرسٹر سلطان محمود،عمران خان اور پی ٹی آئی کے حق میں نعرے لگا جس کے بعد بڑے جلوس کی ہمراہ انہیں مرکزی تقریب میں لایا گیا ۔سردار محمد عثمان حیات خان نے کہا کہ بیرسٹر سلطان محمود چوہدری کشمیری قوم کے ہیرو ہیں ۔ان کی قیادت میں آزادکشمیر میں تبدیلی آئے گی ۔نااہل اور کرپٹ لوگوں کا احتساب ہوگا۔انہوں نے کہا کہ 25جولائی پاکستان میں عمران خان کی قیادت میں پی ٹی آئی کی کامیابی کا دن ہوگا۔