کراچی میں پولیس مقابلہ ،3 ڈاکو گرفتار ،اسلحہ برآمد

ہفتہ جون 16:23

کراچی (اُردو پوائنٹ اخبارتازہ ترین۔ 09 جون2018ء) شہرقائد کے علاقے احسن آباد میں پولیس نے مبینہ پولیس مقابلے میں 3 ڈاکوں کو گرفتار کرکے ان کے قبضے سے اسلحہ برآمد کرلیا۔تفصیلات کے مطابق کراچی کے علاقے احسن آباد بنگالی موڑ کے قریب پولیس نے مبینہ پولیس مقابلے کے دواران 2 زخمیوں سمیت 3 ڈاکوں کو گرفتار کرلیا جبکہ ایک ڈاکو فرار ہونے میں کامیاب ہوگیا۔

(جاری ہے)

پولیس حکام کے مطابق گرفتارملزمان میں الیاس سولنگی،علی رضا اورساجد پٹھان شامل ہیں جن کے قبضے سے 3 پستول،7موبائل فون اورنقدی برآمد ہوئی ہے۔خیال رہے کہ گزشتہ ماہ کراچی کے علاقے احسن آباد میں پولیس نے مبینہ پولیس مقابلے میں 2 ملزمان کو گرفتار کرکے ان کے قبضے سے اسلحہ برآمد کرلیا تھا۔یاد رہے کہ 5 مئی 2018 کو کراچی میں سائٹ ایریا اور یونیورسٹی روڈ پر سی ٹی ڈی نے کارروائیوں کے دوران 4 دہشت گردوں کو گرفتار کرکے ان کے قبضے سے چندہ جمع کرنے والی رسیدیں برآمد کی تھیں۔سی ٹی ڈی حکام کے مطابق ملزمان فنڈز جمع کرکے افغانستان بھجواتے تھے، دہشت گردوں نے افغانستان سے ٹریننگ بھی حاصل کررکھی تھی۔