مقامی کار سازی کمپنی نے گاڑیوں کی قیمتوں میں 20 ہزار سے 50 ہزار روپے تک کا اضافہ کر دیا

ہفتہ 9 جون 2018 17:40

لاہور(اُردو پوائنٹ اخبارتازہ ترین - آئی این پی۔ 09 جون2018ء) مقامی کار سازی کمپنی نے گاڑیوں کی قیمتوں میں 20 ہزار سے 50 ہزار روپے تک کا اضافہ کر دیا۔

(جاری ہے)

تفصیلات کے مطابق گاڑیوں کی قیمتوں میں اضافے کے باعث شہریوں کے ساتھ ساتھ کار ڈیلرزبھی پریشانی کا شکار ہیں، شہریوں کا کہنا ہے کہ پہلے ہی گاڑیوں کی قیمتیں آسمان پر پہنچ چکی ہیں، تمام کار ساز کمپنیوں کو چاہیے کہ وہ گاڑیوں کی قیمتوں میں کمی کریں تاکہ عام شہری باآسانی گاڑی خرید سکے دوسری طرف کار ڈیلرز کا کہنا ہے کہ (ن)لیگ حکومت کی ناقص پالیسیوں کے باعث پہلے ہی آٹو سیکٹر تباہی کے دہانے پر پہنچ چکا ہے ڈیلرزکا مزید کہنا تھا کہ حکومت کو چاہیے کہ وہ مقامی کار ساز کمپنیوں سے قیمتوں میں کمی کروائیں تاکہ انکا کاروبار چل سکے اور عام شہری بھی گاڑی خرید سکے۔