پی ٹی آئی کارکنوں کو نیا پاکستان کے نام پر دھوکہ دیا گیا ،شہباز شریف

عمران خان نے لوٹوں کو ٹکٹ دیئے ، آصف زرداری سے کوئی ٹکٹ لینے کے حق میں نہیں ، صدر (ن)لیگ کا ٹوئیٹر پیغام

ہفتہ 9 جون 2018 18:48

پی ٹی آئی کارکنوں کو نیا پاکستان کے نام پر دھوکہ دیا گیا ،شہباز شریف

لاہور(اُردو پوائنٹ اخبارتازہ ترین - آئی این پی۔ 09 جون2018ء) پاکستان مسلم لیگ(ن) کے صدر وسابق وزیراعلیٰ پنجاب محمد شہباز شریف نے کہا ہے کہ پی ٹی آئی کارکنوں کو نیا پاکستان کے نام پر دھوکہ دیا گیا ، عمران خان نے لوٹوں کو ٹکٹ دیے ، آصف زرداری سے کوئی ٹکٹ لینے کے حق میں نہیں ہے ۔

(جاری ہے)

ہفتہ کو سماجی رابطے کی ویب سائٹ ٹوئٹر پر اپنے ٹوئٹ میں شہباز شریف نے کہا کہ مجھے تحریک انصاف کے کارکنوں سے دلی ہمدردی ہے ، پی ٹی آئی کارکنوں کو نیا پاکستان کے نام پر دھوکہ دیا گیا ، آصف زرداری سے کوئی ٹکٹ لینے کے حق میں نہیں ہے ۔ہم عمران خان اور آصف زرداری کی سیاست کو ووٹ کی طاقت سے دفن کر دیں گے ۔