ایشین آرچڑی کوچنگ اینڈ ٹیکنیکل سیمینار 5 جولائی کو تائیوان میں شروع ہو گا

پاکستان آرچڑی فیڈریشن نے اس کوچنگ سیمینار میں چار کوچز کو بھجوانے کا فیصلہ کیا ہے‘سیکرٹری جنرل پاکستان آرچڑی فیڈریشن

اتوار 10 جون 2018 11:30

اسلام آباد(اُردو پوائنٹ اخبارتازہ ترین - این این آئی۔ 10 جون2018ء) ایشین آرچڑی فیڈریشن کے زیراہتمام ایشین آرچڑی کوچنگ اینڈ ٹیکنیکل سیمینار آئندہ ماہ 5 جولائی سے تائیوان میں شروع ہوگا،جس میں پاکستان آرچڑی فیڈریشن چار پاکستانی کوچز کو شرکت کے لئے تائیوان بھیجا نے کا فیصلہ کیا ہے، پاکستان آرچڑی فیڈریشن کے سیکرٹری جنرل وصال محمد خان نے بتایا کہ یہ کورس تین روز تک جاری رہے گا جس میں ایشیائی ممالک کے کوچز شرکت کریں گے، پاکستان آرچڑی فیڈریشن نے اس کوچنگ سیمینار میں چار کوچز کو بھجوانے کا فیصلہ کیا ہے تین کوچز کے ناموں کا اعلان کردیا گیا جن میں پاکستان آرمی کے اجلال الدین، خیبر پختونخوا سے سرفراز اور پنجاب سے امان اللہ شامل ہیں جبکہ چوتھے کوچ کے نام کا اعلان چند روز میں کردیا جائیگا۔