انتخابات میں لیاری سمیت پورے کراچی سے کلین سوئپ کریں گے، مصطفی کمال

آنے والی نسلوں کے بہتر مستقبل کے لئے جدوجہد کر رہے ہیں۔ کراچی پہلے بھی ہم نے بنایا تھا اور اب دوبارہ پورے سندھ کو ویسا ہی بنائیں گے‘سربراہ پاک سرزمین پارٹی

اتوار 10 جون 2018 11:50

کراچی (اُردو پوائنٹ اخبارتازہ ترین - آئی این پی۔ 10 جون2018ء) پاک سرزمین پارٹی کے سربراہ مصطفی کمال نے کہا ہے الیکشن میں لیاری سمیت پورے کراچی سے کلین سوئپ کریں گے۔ آنے والی نسلوں کے بہتر مستقبل کے لئے جدوجہد کر رہے ہیں۔ کراچی پہلے بھی ہم نے بنایا تھا اور اب دوبارہ پورے سندھ کو ویسا ہی بنائیں گے۔

(جاری ہے)

پاک سر زمین پارٹی کے چیئرمین مصطفی کمال لیاری کے دورے پر پہنچے جہاں انہوں نے تاجر برادری سے ملاقات کی۔

اس موقع پر میڈیا سے گفتگو میں مصطفی کمال نے کہا کہ وہ کسی مخصوص فرقے یا لسانی گروہ کی نمائندگی نہیں کر رہے۔ کراچی والوں بالخصوص لیاری کے عوام نے بے تحاشہ محبت دی ہے۔ پاکستان کا ہر بچہ بہترین مستقبل کا حقدار ہے۔ انہوں نے کہا کسی کی سیاست سے مہاجر بلوچ، پختون، پنجابی یا سندھی کے دشمن نہیں بننے چاہیئں۔ انتخابات میں لیاری سمیت پورے کراچی سے کلین سوئپ کریں گے۔