کیریبین پریمیر لیگ اگست 2018ء سے ویسٹ انڈیز میں شروع ہوگی

اتوار جون 13:10

جمیکا(اُردو پوائنٹ اخبارتازہ ترین۔ 10 جون2018ء)کیریبین پریمیر لیگ آٹھ اگست 2018ء سے ویسٹ انڈیز میں شروع ہوگی۔ تفصیلات کے مطابق لیگ میں ٹرنبیگو نائٹ رائیڈرز ٹائٹل کا دفاع کریگی۔ ویسٹ انڈیز ٹیسٹ اور ون ڈے ٹیم کے کپتان جیسن ہولڈر رواں سال شیڈول کیریبین پریمیئر لیگ میں بارباڈوس ٹریڈنٹس کی قیادت کریں گے۔

(جاری ہے)

انہیں کیرن پولارڈ کی جگہ یہ ذمہ داری دی گئی ہے، ہولڈر گزشتہ سال دورہ انگلینڈ کی وجہ سے سی پی ایل میں شرکت نہیں کر سکے تھے۔

26 سالہ ہولڈر کو 56 ون ڈے اور 21 ٹیسٹ میچز میں کالی آندھی کی قیادت کا اعزاز حاصل ہے۔ اپنے ایک بیان میں ہولڈر نے کہا کہ بارباڈوس کا کپتان مقرر ہونا میرے لئے باعث اعزاز ہے اور میں بہت خوشی محسوس کر رہا ہوں، کوشش ہو گی کہ ٹیم کو فرنٹ سے لیڈ کرتے ہوئے اسے فتوحات دلانے میں کردار ادا کروں۔ ایونٹ 8 اگست سے 16 ستمبر تک شیڈول ہے۔