تحریک انصاف کا کوئی سیاسی مستقبل نہیں جو جماعت ٹکٹوں کے امیدواروں کیلئے میرٹ پر پورا نہیں اتری وہ ملک میں کیا میرٹ لائے گی،عابد حسین صدیقی

اتوار 10 جون 2018 21:40

لاہور (اُردو پوائنٹ اخبارتازہ ترین - آن لائن۔ 10 جون2018ء) پاکستان پیپلز پارٹی لاہور کے اطلاعات عابد حسین صدیقی نے کہا ہے کہ تحریک انصاف کا کوئی سیاسی مستقبل نہیں جو جماعت ٹکٹوں کے امیدواروں کے لئے میرٹ پر پورا نہیں اتری وہ ملک میں کیا میرٹ لائے گی۔

(جاری ہے)

عمران خان میاں برادران کی طرح صرف نعرے اور تقریریں کرتے ہیں عملی اقدامات کے پی کے میں پانچ سالوں میں عوام کو نظر نہیں آئے یہاں سے جاری ایک بیان میں انہوں نے کہا کہ انہوں نے کہا کہ ن لیگی حکومت نے عوام کے مسائل حل نہیں کئے انتخابات سے قبل کئے گئے ایک بھی وعدے پر عمل درآمد نہیں ہو سکا سب سے بڑا مسئلہ انرجی بحران پہلے سے زیادہ شدت اختیار کر چکا ہے عام آدمی کو دو وقت کی روٹی میسر نہیں۔

صحت اور تعلیم کے شعبے کی زبوں حالی کسی سے ڈھکی چھپی نہیں۔ قومی ادارے اور معیشت تباہی کے دھانے تک پہنچ چکے ہیں اب عوام کی عدالت کا نعرہ لگانے والوں کو منہ کی کھانا پڑے گی عوام باشعور ہیں وہ اپنا ن لیگ اور پی ٹی آئی کو مسترد کر دیں گے۔