پی ٹی آئی رہنما گلریز اقبال کی کسی مقدمہ میں اشتہاری ہونے کی تردید

پیر 11 جون 2018 15:15

ْ لاہور(اُردو پوائنٹ اخبارتازہ ترین - آن لائن۔ 11 جون2018ء) پی ٹی آئی رہنما گلریز اقبال نے کسی مقدمہ میں اشتہاری ہونے کی تردید کر دی ۔ میڈیا سے گفتگو کرتے ہوئے پی ٹی آئی رہنما کا کہنا تھا کہ انہوں نے اپنے خلاف چلنے والی خبروں کی تردید کی ہے چیرمین تحریک انصاف نے مجھ جیسے ایک طالبعلم کو ٹکٹ دے کر اپنا وعدہ پورا کیا ہے کہ وہ نوجوانوں کی ایک نمائندہ جماعت ہے۔

(جاری ہے)

اس وقت مسلم لیگ ن بوکھلاہٹ کا شکار ہو کر میرے خلاف اوچھے ہتھکنڈوں پر اتر آئی ہے میں اس کی پروزور مذمت کرتا ہوں۔اور میں پیچھے نہیں ہٹنے والا میں ان کا مقابلہ کروں گا میں ان اوچھے ہتھکنڈوں سے ڈرنے والا نہیں۔ یاد رہے کہ گلریز اقبال لاہور کے حلقہ pp147 سے پی ٹی آئی کے اٴْمیدوار ہیں۔