کٹ زارہ ڈیم کالا با غ ڈیم کے مقابلے میں 6گنا بڑ ا اور عمرکئی گنا ہے ، میاں زاہد حسین

کراچی(اُردو پوائنٹ اخبارتازہ ترین - این این آئی۔ 11 جون2018ء) پاکستان بزنس مین اینڈ انٹلیکچولز فور م وآل کراچی انڈسٹریل الائنس کے صدر، بزنس مین پینل کے سینئر وائس چیئر مین اور سابق صوبائی وزیر میاں زاہد حسین نے کہا ہے کہ چین نے دریائے سند ھ پر40ماحول دوست گریوٹی ڈیم بنانے کی تجویز دی ہے جن کی مالیت کالا با غ ڈیم سے دُگنی مگر بجلی کی پیداوار 14گنا زیادہ یعنی 50ہزار میگاواٹ ہوسکتی ہے ۔

میا ں زاہد حسین نے بزنس کمیونٹی سے گفتگو میں کہا کہ اگرتمام صوبے اتفاق رائے سے کا لا باغ ڈیم کی تعمیرکی منظوری دے دیں تو یہ ایک بہترین اقدام ہوگا ، تاہم اس دوران کا لا باغ ڈیم کے علادہ متبادل راستے اختیار کئے جا سکتے ہیں ۔ چین کے تجویز کردہ 40ماحول دوست گریوٹی ڈیمز کی تعمیر سے 50ہزار میگاواٹ سستی بجلی کی پیداوار سے قومی پیداوار اور برآمدات میں زبردست اضا فہ ہوگا ۔

(جاری ہے)

پا کستان نہ صرف توانائی کے شعبے میں خود کفیل ہوجائے گا بلکہ بجلی برآمد کرنے والا مما لک میں بھی شامل ہوجائے گا۔انھوں نے کہا کہ پاکستان چین کے تعاون سے پہلے بھی چشمہ کے مقام پر 280میگاواٹ کا ایک چھوٹا ڈیم تعمیرکر چکا ہے ۔ دنیا بھر میںبڑے ڈیموں کے بجائے چھوٹے ڈیموں کی تعمیر کو ترجیح دی جا رہی ہے۔ پاکستان میں جن ڈیموں کی تعمیر پرصوبوںکو اعترا ض نہیں ان ڈیموں کی فوری اور جلد تکمیل کیلئے اقدامات کئے جائیں تاکہ با رشوںاور سیلابی پانی کو ذخیرکیا جاسکے اور پانی کی قلت جیسا بحران پیدا نہ ہو ۔

میاں زاہد حسین نے کہا کہ سکردو کے مقام پر کٹ زارہ ڈیم کی تعمیر سے 35ملین ایکڑفٹ پانی کو ذخیرہ کرنے کے ساتھ ساتھ 15ہزار میگا واٹ بجلی کی فراہمی بھی ممکن ہوسکے گی ۔اس ڈیم کی تعمیر ی لا گت 12سے 15ارب ڈالر ہوگی ، اس کے مقابلے میں کا لا باغ ڈیم کی تعمیری لا گت 7ارب ڈالر ہے جبکہ پانی ذخیرہ کرنے کی صلا حیت 6.1ملین ایکڑ فٹ اور بجلی کی پیداواری صلا حیت 3600 میگاواٹ ہے۔

کٹ زارہ ڈیم کالا باغ ڈیم سے 6گنا بڑا ہوگا جو کہ کا لا باغ ڈیم سے ذیادہ بجلی پیدا کرنے کی صلاحیت رکھتا ہے۔ کٹ زارہ ڈیم کی تعمیر میں کوئی سیا سی اختلا ف حائل نہیں جبکہ کا لا باغ ڈیم کی تعمیرپر اب بھی تین صوبوںکے درمیان اختلا فات جا رہی ہیں۔ ایک اندازے کے مطابق کا لا با غ ڈیم کی عمر 25سال جبکہ کٹ زارہ ڈیم کی عمربھی کالا باغ ڈیم سے کئی سال زیادہ ہے ۔

میاں زاہد حسین نے کہا کہ کٹ زارہ ڈیم کی لمبائی 350فٹ ہوگی جو کہ کا لا باغ ڈیم سے 31گنا کم ہے ۔ کٹ زارہ ڈیم کی تعمیر سے موجودہ ڈیموں کی عمر میں 100سال کا اضا فہ ہوگا جبکہ 1لا کھ 90ہزار ایکٹر ذمین زیر آب آئے گی ۔کٹ زارہ ڈیم کی تکمیل کا اندازہ ماہرین نے کام شروع کرنے کے بعد 3سال میں لگایا ہے ۔ میاں زاہد حسین نے کہا کہ حکومت کو اختلا فا ت میں پڑ کر وقت ضا ئع کرنے کے بجائے اُن ڈیمز کی تعمیرفی الفور شروع کرنی چاہئے جنکی کوئی مخالفت نہیں ۔