فلم’’فرسٹ مین‘‘ رواں سال 12 اکتوبر کو سینما گھروں میں ریلیز ہو گی

منگل جون 12:17

فلم’’فرسٹ مین‘‘ رواں سال 12 اکتوبر کو سینما گھروں میں ریلیز ہو گی
نیویارک (اُردو پوائنٹ اخبارتازہ ترین۔ 12 جون2018ء) ہالی ووڈ اداکار رائن گوسلنگ اپنی اگلی فلم ’فرسٹ مین‘ میں چاند کا سفر کرنے جارہے ہیں، جس کا ٹریلر بھی ریلیز کردیا گیا۔یہ فلم چاند پر سب سے پہلے قدم رکھنے والے نیل آرم اسٹرانگ کے تاریخی سفر پر مبنی ہے۔اس فلم کی ہدایات ڈیمین چازیل دے رہے ہیں۔۔فلم میں 1969 میں نیل آرم اسٹرانگ کے چاند پر جانے کے تاریخی سفر کو پیش کیا جارہا ہے۔

’فرسٹ مین‘ میں کلیئر فوئے نیل آرم اسٹرانگ کی اہلیہ کا کردار ادا کرتی نظر آئیں گی۔۔فلم رواں سال 12 اکتوبر کو سینما گھروں میں ریلیز ہو گی۔

(جاری ہے)

واضح رہے کہ نیل آر اسٹرانگ چاند پر قدم رکھنے والے پہلے انسان تھے۔نیل آرم اسٹرانگ 5 اگست 1930 کو پیدا ہوئے تھے، نیل آرم اسٹرانگ کو امریکی صدر رچرڈ نکسن کی جانب سے صدارتی تمغہ آزادی، 1978ء میں صدر جمی کارٹر کی جانب سے کانگریسی خلائی تمغہ اعزاز اور 2009ء میں کانگریسی طلائی تمغے سے بھی نوازا جاچکا ہے۔

یاد رہے کہ 16 جولائی 1969 کو اپولو 11 مشن تین خلانوردوں کو لے کر چاند کے سفر پر روانہ ہوا تھا۔چاند کی سطح پر 22 گھنٹے طویل پڑاؤ کے دوران نیل آرم اسٹرانگ اور ایڈون ایلڈرن نے چاند سے مختلف نمونے بھی اکھٹا کیے تھے جنہیں 24 جولائی کو زمین پر واپس لایا گیا تھا۔

متعلقہ عنوان :