(ن) لیگ نے عارضی اقدامات کیے،نتائج سامنے آنا شروع ہو گئے ‘عزیز الرحمن چن

ڈالر بلند ترین سطح پر پہنچ گیا ،پٹرولیم مصنوعات کی قیمتوں میں ہوشربا اضافہ ملک میں مزید مہنگائی کا سبب بنے گا

منگل 12 جون 2018 13:43

(ن) لیگ نے عارضی اقدامات کیے،نتائج سامنے آنا شروع ہو گئے ‘عزیز الرحمن ..

لاہور (اُردو پوائنٹ اخبارتازہ ترین - این این آئی۔ 12 جون2018ء) پاکستان پیپلز پارٹی لاہور کے صدر حاجی عزیز الرحمن چن نے کہا ہے کہ (ن) لیگی حکومت کے مصنوعی اقدامات قوم کے سامنے آنا شروع ہو گئے ہیں ،ملکی تاریخ میں ڈالر بلند ترین سطح پر پہنچ گیا اور پٹرولیم مصنوعات کی قیمتوں میں ہوشربا اضافہ ملک میں مزید مہنگائی کا سبب بنے گا۔

(جاری ہے)

یہاں سے جاری ایک بیان میں انہوں نے کہا کہ (ن) لیگی حکومت نے اپنے دورِ اقتدار میں کل وقتی اقدامات نہیں کئے یہ ہی وجہ ہے کہ حکومت کے جاتے ہی حالات یکسر تبدیل ہو گئے ہیں مہنگائی کا جن بے قابو اور ڈالر بلند ترین سطح تک پہنچ گیا ہے جسے بیرونی قرضوں میں بھی اُسی اوسط سے اضافہ ہو گیا ہے ۔

انہوں نے کہا کہ (ن) لیگ نے عارضی اقدامات کر کے ڈھنگ ٹپائو پالیسی پر عمل کیا انہوں نے کہا کہ ن لیگ کے دعوے کے مطابق زرمبادلہ کے ذخائر کہاں گئے ن لیگ نے عارضی اقدامات کئے اقتدار کے جاتے ہیں ملک میں بے یقینی کی صورت حال برپا ہو گئی ہے۔