امریکا نے سائبر جرائم میں ملوث 74 افراد کو گرفتارکرلیا

گرفتار کیے گئے عناصر میں 42 کو امریکا کے اندر سے جب کہ دیگر کو دوسرے ملکوں سے گرفتار کیا گیا،ایف بی آئی

منگل 12 جون 2018 14:12

واشنگٹن(اُردو پوائنٹ اخبارتازہ ترین - این این آئی۔ 12 جون2018ء) امریکی حکام نے کہاہے کہ پولیس نے سائبر جرائم اور آن لائن دھوکہ دہی کے الزام میں 74 افراد کو حراست میں لیا ہے جن سے تفتیش جاری ہے۔

(جاری ہے)

غیرملکی خبررساں ادارے کے مطابق امریکی وفاقی تحقیقاتی اداریایف بی آئی کی جانب سے جاری ایک بیان میں کہا گیاکہ بنکوں سے رقوم کی منتقلی کی مانیٹرنگ کیدوران رکاوٹ پیدا کرنے والے اور دھوکہ دہی کے ذریعے رقوم ایٹنٹھنے والے درجنوں افراد کو گرفتار کیا گیا ہے۔

ایف بی آئی کے دفتر کے مطابق سائبر جرائم کی روک تھام کے لیے حکام نے وائروائر آپریشن کے عنوان سے یہ کارروائی چھ ماہ قبل شروع کی تھی۔ اس کارروائی میں وزارت داخلہ، خزنہ اور محکمہ ڈاک کا بھی تعاون حاصل رہا۔ گرفتار کیے گئے عناصر میں 42 کو امریکا کے اندر سے جب کہ دیگر کو دوسرے ملکوں سے گرفتار کیا گیا۔