آر آئی یو جے کا آزادی رائے کو درپیش خطرات اورانتخابات پر ملک بھر میں سیمینار اورآگاہی پروگرام منعقد کرنے کا اعلان سیمینار اورآگاہی پروگرام کا مقصد صحافیوں کو درپیش مشکلات سے آگاہ کرنا ہوگا،ِ

پہلے مرحلے میں ملک کے تمام صوبوں کے دارالخلافوں میں سیمینار منعقد کرائے جائیںگے

منگل جون 17:34

اسلام آباد(اُردو پوائنٹ اخبارتازہ ترین۔ 12 جون2018ء) آر آئی یو جے نے آزادی رائے کو درپیش خطرات اور آئندہ انتخابات کے حوالے سے ملک بھر میں سیمینار اورآگاہی پروگرام منعقد کرنے کا اعلان کر دیا، سیمینار اورآگاہی پروگرام کا مقصد صحافیوں کو درپیش مشکلات سے آگاہ کرنا ہوگا،ِپہلے مرحلے میں ملک کے تمام صوبوں کے دارالخلافوں میں سیمینار منعقد کرائے جائیںگے جس کا آغاز نیشنل پریس کلب اسلام آباد میں سیمینار سے کر دیا گیا ہے۔

منگل کو آر آئی یو جے کے زیر اہتمام آزادی رائے کو درپیش خطرات اور آئندہ انتخابات کے حوالے سے نیشنل پریس کلب اسلام آباد میں سیمینار کا انعقاد کیا گیا۔ سیمینار میں پاکستام مسلم لیگ(ن) کے سینیٹر پرویز رشید،، پاکستان تحریک انصاف کی سینیٹر شبلی فراز، جمیعت علما اسلام(ف) کے سربراہ مولانا فضل الراحمان، اور پیپلز پارٹی کے سینیئر رہنما فرحت اللہ بابر نے شرکت کی۔

(جاری ہے)

شرکا نے موجودہ حالات اور آئندہ انتخابات کے تناظر میں صحافیوںکو درپیش مسائل اور مشکلات سے آگاہ کیا۔اس موقع پرآ رآئی یو جے کے صدر افضل بٹ نے اظہار خیال کرتے ہوئے آزادی رائے کو درپیش خطرات اور آئندہ انتخابات کے حوالے سے ملک بھر میں سیمینار اور پروگرام کرانے کا اعلان کر دیا۔ انہوں نے کہا کہ پہلے مرحلے پر ملک کے تمام صوبوں کے دارالخلافوں میں سیمینار منعقد کرائے جائیںگے جس کا آغاز نیشنل پریس کلب اسلام آباد میں سیمینار سے کر دیا گیا ہے۔ اس کے بعد تمام ضلعوں کی سطح پر آگاہی پروگرامزکرائے جائیں گے جن کا مقصد صحافیوں کو درپیش مشکلات کو آگاہ کرنا ہوگا