تھانہ پولیس کھوئی رٹہ کی کاروائی میرپور سے ہیروئن کھوئی رٹہ سپلائی کرنے والا ڈرائیور گرفتار

ایک اور کاروائی کے دوران بدنام زمانہ منشیات فروش سے چار سو گرام چرس برآمد کر کے ملزمان کے خلاف مقدمات درج تفتیش شروع

منگل 12 جون 2018 18:25

کوٹلی،کھوئیرٹہ(اُردو پوائنٹ اخبارتازہ ترین - این این آئی۔ 12 جون2018ء) تھانہ پولیس کھوئی رٹہ کی کاروائی میرپور سے ہیروئن کھوئی رٹہ سپلائی کرنے والا ڈرائیور گرفتار جبکہ ایک اور کاروائی کے دوران بدنام زمانہ منشیات فروش سے چار سو گرام چرس برآمد کر کے ملزمان کے خلاف مقدمات درج تفتیش شروع تفصیلات کے مطابق ایس ایس پی راجہ عرفان سلیم کی ہدایت ہر ایس ایچ او تھانہ کھوئی رٹہ نے ہمراہ ایس آئی فیصل صدیق،ملک آزاد،سردار تاصف،ڈی ایف سی راجہ خضر ،ابرار مرزا،دلشاد راجہ نے دو مختلف کاروائیوں کے دوران بدنام زمانہ منشیات فروش الیاس ساکن دھنہ کو گرفتار کر کے اس کے قبضہ سے چارسو گرام چرس برآمد کر کے ملزم کے خلاف منشیات ایکٹ کے تحت مقدمہ درج کر کے ملزم کو حوالات بند کر کے تفتیش شروع کر دی جبکہ ایک اور کاروائی کے دوران میرپور سے ہیروئن لا کر کھوئی رٹہ سپلائی کر نے والا بدنام زمانہ منشیات فروش کبیر بھٹی کو رنگے ہاتھوں گرفتار کر کے ملزم کے قبضہ سے پچاس گرام ہیروئن برآمد کر کے ملزم کے خلاف منشیات ایکٹ کے تحت مقدمہ درج کر کے تفتیش شروع کر دی -