لوڈشیڈنگ خاتمے کے دعوے کی حقیقت نظر آگئی ہے،اسد عمر

تمام فیتے کاٹنے اور دعوے کرنے کے باوجود بجلی کی صورتحال میں کوئی فرق نہیں آیا، سابق حکومت بیل آوٹ کی طرف جارہی تھی،نگراں حکومت حقائق عوام کے سامنے رکھے تاکہ آنیوالی حکومت تیاری کرسکے، رہنماء پی ٹی آئی

منگل 12 جون 2018 19:50

اسلام آباد (اُردو پوائنٹ اخبارتازہ ترین - این این آئی۔ 12 جون2018ء) پاکستان تحریک انصاف کے مرکزی رہنما اسد عمر نے کہا ہے کہ لوڈشیڈنگ خاتمے کے دعوے کی حقیقت نظر آگئی ہے،تمام فیتے کاٹنے اور دعوے کرنے کے باوجود بجلی کی صورتحال میں کوئی فرق نہیں آیا، سابق حکومت بیل آوٹ کی طرف جارہی تھی،حقائق جھٹلا رہی تھی،نگراں حکومت حقائق عوام کے سامنے رکھے تاکہ آنیوالی حکومت تیاری کرسکے ۔

(جاری ہے)

منگل کو پریس کانفرنس کرتے ہوئے پاکستان تحریک انصاف کے رہنماء اسد عمر نے کہا کہ پچھلے 6 ماہ میں ڈالرکے مقابلے میں روپے کی قدر15 سے 16 روپے گرگئی ہے ،زر مبادلہ کے ذخائر تیزی سے کم ہوئے ہیں۔انہوں نے کہا کہ لوڈشیڈنگ خاتمے کے دعوے کی حقیقت نظر آگئی ہے۔ انہوں نے کہا کہ تمام فیتے کاٹنے اور دعوے کرنے کے باوجود بجلی کی صورتحال میں کوئی فرق نہیں آیا۔ انہوں نے کہا کہ جون کے پہلے ہفتے میں بجلی کی کمی 4 ہزار میگاواٹ تھی ، اتنی ہی کمی پچھلے سال بھی تھی ۔انہوں نے کہا کہ سابق حکومت بیل آوٹ کی طرف جارہی تھی اور حقائق جھٹلا رہی تھی،نگراں حکومت حقائق عوام کے سامنے رکھے تاکہ آنیوالی حکومت تیاری کرسکے ۔