سپریم کورٹ کراچی رجسٹری میں کرمنل اور خلاف ضابطہ ریکارڈ رکھنے والے پولیس افسران و اہلکاروں کے خلاف کیس کی سماعت

عدالت نے سیکرٹری اسٹیبلشمنٹ اوراٹارنی جنرل کوآئندہ سماعت تک ہر صورت جواب داخل کرنے کاحکم دیتے ہوئے سماعت 2 ہفتوں کے لیے ملتوی کردی

منگل 12 جون 2018 21:01

کراچی (اُردو پوائنٹ اخبارتازہ ترین - آئی این پی۔ 12 جون2018ء) سپریم کورٹ کراچی رجسٹری میں کرمنل اور خلاف ضابطہ ریکارڈ رکھنے والے پولیس افسران واہلکاروں کے خلاف کیس کی سماعت منگل کوہوئی عدالت میں سیکرٹری اسٹیبلشمنٹ اور اٹارنی جنرل آفس کے جواب جمع نہ کرانے پر برہمی کا اظہار کیا گیا عدالت نے سیکرٹری اسٹیبلشمنٹ اور اٹارنی جنرل آفس پر 50,50 ہزار روپے جرمانہ عائد کرتے ہوئے سیکرٹری اسٹیبلشمنٹ اوراٹارنی جنرل کوآئندہ سماعت تک ہر صورت جواب داخل کرنے کاحکم دیتے ہوئے سماعت 2 ہفتوں کے لیے ملتوی کردی واضع رہے کہ گذشتہ روز بھی ڈپٹی اٹارنی جنرل نے جواب کیلیے مہلت طلب کی تھی عدالت نے سیکرٹری اسٹیبلشمنٹ سے اعلی پولیس افسران کے خلاف انکوائری رپورٹس طلب کر رکھی ہیں گریڈ 18 سے اوپر کے 35 پولیس افسران کے خلاف تحقیقات جاری ہیں سابق آئی جی سندھ غلام حیدر جمالی و دیگر پر خلاف قانون بھرتیوں کا الزام عائد ہے۔