نگران وفاقی وزیر خزانہ و منصوبہ بندی کا وزارت منصوبہ بندی کا دورہ
وفاقی وزیر کا اعلی افسران سے تعارف ،شعبہ جات اور وزارت کے ماتحت جاری منصوبوں کے حوالے سے بریفنگ لی ہمیں تمام حالات میں اپنی توجہ شعبہ جات کی کارکردگی بہتر بنانے پر مرکوز رکھنے کی ضرورت ہے،وزارت منصوبہ بندی کی کارکردگی حکومتی کارکردگی کا تعین کرتی ہے پائیدار ترقی کے اھداف کے حصول کے لئے وزارت منصوبہ بندی اور منصوبہ بندی کمیشن کا کردار قابل ستائش ہے،ڈاکٹرشمشاد اختر کی گفتگو
منگل 12 جون 2018 22:24
(جاری ہے)
اس موقع پر ڈاکٹر شمشاد اختر کا کہنا تھا کہ ہمیں تمام حالات میں اپنی توجہ شعبہ جات کی کارکردگی بہتر بنانے پر مرکوز رکھنے کی ضرورت ہے، وزارت منصوبہ بندی تمام وزارتوں میں سب سے زیادہ اہمیت کی حامل ہے، ڈاکٹر شمشاد اختر نے کہا کہ وزارت منصوبہ بندی کی کارکردگی حکومتی کارکردگی کا تعین کرتی ہے، منصوبہ بندی کمیشن حکومت کے دماغ اور تھنک ٹینک کی حیثیت رکھتا ہے، ڈاکٹر شمشاد اختر نے کہا کہ وزارت منصوبہ بندی ہمیشہ سے ہی ذہین لوگوں کا مرکز رہی ہے، مجھے خوشی ہے کہ میں نے بھی اپنے کیریئر کا آغاز منصوبہ بندی کمیشن سے کیا، ڈاکٹر شمشاد اختر نے کہاکہ اختیارات کی صوبوں کو منتقلی کے بعد منصوبہ بندی کمیشن کا کردار پہلے سے کہیں زیادہ اہم ہو گیا ہے، صوبوں کی رہنمائی کے لئے منصوبہ بندی کمیشن و وزارت منصوبہ بندی کا صوبوں کے ساتھ تعاون کا دائرہ وسیع کرنے کی ضرورت ہے، ڈاکٹر شمشاد اختر نے کہا کہ پائیدار ترقی کے اھداف کے حصول کے لئے وزارت منصوبہ بندی اور منصوبہ بندی کمیشن کا کردار قابل ستائش ہے، پائیدار ترقی کے اھداف کے حصول کو یقینی بنانے کے لئے صوبوں اور متعلقہ اسٹیک ہولڈرز کے درمیان تعاون کے فروغ اور مزید وسائل بروئے کار لانے کی ضرورت ہے، ڈاکٹر شمشاد اختر کا کہنا تھا کہ کم ترقی یافتہ ممالک آبادی میں اضافے کا رجحان عالمی سطح پر ایک بڑے چیلنج کی حیثیت رکھتا ہے، آبادی کے اضافے کو قابو میں لانے اور بنیاد ضروریات زندگی کی فراہمی کیلئے وسائل کی دستیابی یقینی بنانا سب سے بڑا چیلنج ہے، آبادی کے حوالے سے منصوبہ بندی اور وسائل کی فراہمی کے لئے بنگلہ دیش کے تجربے سے سیکھنے کی ضرورت ہے، ڈاکٹر شمشاد اختر نے کہا کہ بہتر منصوبہ بندی اور نتائج کے حصول کے کئے پبلک پرائیویٹ پارٹنرشپ کو فروغ دیا جائے،متعدد ممالک نے پبلک پرائیویٹ پارٹنرشپ کے ذریعے ہی ترقی کی منازل طئے کی ہیں، ڈاکٹر شمشاد اختر نے کہاکہ پبلک پرائیویٹ پارٹنرشپ کے نتیجے حکومتی کارکردگی میں اضافہ اور جدید رجحانات کا فروغ ممکن بنایا جا سکتا ہے۔
مزید قومی خبریں
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
سرکاری لیبارٹریز نے ڈینگی مریضوں کی تشخیص بند کر دی
-
اسلام آباد کے شہریوں کے لئے شروع کئے جانے والے ہائوسنگ کے منصوبوں کو ترجیحی بنیادوں پر مکمل کیا جائے گا ، کسی قسم کی کوتاہی برداشت نہیں کی جائے گی ،ریاض پیرزادہ
-
فیصل آباد سے پتوکی اپنے سسرال آئے شخص نے خود کو فائر مارکر خودکشی کرلی نعش ہسپتال پتوکی منتقل
-
ملتان: تندور مالکان نمایاں مقامات پر 100 گرام روٹی کی قیمت 15 روپے آویزاں کریں، ڈپٹی کمشنر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.