بھارت آبی جا رحیت پر اتر آیا ہے‘پاکستان آنے والے پانی کا رخ موڑ کر پاکستان کی سرسبز زمینوں کو بنجر کرنا چاہتا ہے‘ملک میں پانی کے ذخائر کم ہو رہے ہیں‘ڈیموں کی تعمیر اشد ضروری ہے

سابق معاون خصوصی وزیر اعظم آزاد کشمیر چودھری محمد اشرف کی صحافیوں سے بات چیت

بدھ 13 جون 2018 16:23

میرپور(اُردو پوائنٹ اخبارتازہ ترین - آئی این پی۔ 13 جون2018ء) سابق معاون خصوصی وزیر اعظم آزاد کشمیر چودھری محمد اشرف نے کہا کہ بھارت آبی جا رحیت پر اتر آیا ہے۔پاکستان آنے والے پانی کا رخ موڑ کر پاکستان کی سرسبز زمینوں کو بنجر کرنا چاہتا ہے۔ملک میں پانی کے ذخائر کم ہو رہے ہیں۔ڈیموں کی تعمیر اشد ضروری ہے ۔بھارت نے کشن گنگا اور دیگر ڈیم بنا کر پاکستان کے پانی کا رخ موڑ دیا ہے جو معائدے کی خلاف ورزی ہے۔

پاکستان میں ابھی تک کالا ڈیم باغ نہیں بن سکا ۔پانی جمع کرنے اور ڈیم بنانے کے لیے سب سیاسی جماعتوں کو مل بیٹھ کر سوچنا ہو گا۔

(جاری ہے)

ان خیالات کا اظہار انہوں نے صحافیوں سے گفتگو کرتے ہوئے کیا ۔ چودھری محمد اشرف نے کہا کہ مستقبل میں پانی کے لیے جنگیں ہوا کریں گی۔ بھارت آبی دہشت گردی پر اتر آیا ہے اور اس نے انتہائی چالاکی اور ہوشیاری کے ساتھ ڈیم بنا کر پاکستان آنے والے پانی کا رخ موڑ دیا ہے جس سے پاکستان میں آئندہ چند سالوں میں پانی کی کمی کا شدید بحران آنے والا ہے۔

انہوں نے کہا پاکستان کو عالمی عدالت میں اپنا کیس کمزور نہیں رکھنا چاہیے بلکہ پانی کا رخ موڑنے پر بھارتی عزائم اور سازش کو بے نقاب کرنے کے ساتھ ساتھ اپنے حصے کا پانی لینے کے لیے بھرپور کوشش کرنی چاہیے۔