آبی وسائل ہمارے صوبے کاقیمتی سرمایہ ہیں،سیکرٹری آبپاشی سلیم خان کا اجلاس سے خطاب

جمعرات 14 جون 2018 18:49

پشاور(اُردو پوائنٹ اخبارتازہ ترین - این این آئی۔ 14 جون2018ء) پاکستان ایڈمنسٹریٹوسروسزگروپ گریڈ21کے آفیسرسیکرٹری توانائی وبرقیات محمد سلیم خان نے سیکرٹری آبپاشی کی حیثیت سے اضافی ذمہ داریاں سنبھال لی ہیں۔اپنے عہدے کا چارج لینے کے بعد محکمہ آبپاشی کے افسران نے انہیں ادارہ ہذاکی زیر نگرانی جاری ترقیاتی منصوبوں اور انتظامی امور کے بارے میں بریفنگ دی۔

(جاری ہے)

سیکرٹری آبپاشی محمد سلیم خان نے کہا کہ آبی وسائل ہمارے صوبے کا قیمتی سرمایہ ہیں ان کا موثراستعمال اورقدرت کے اس خزانے سے فائدہ اٹھاناہم سب کی اولین ذمہ داری ہے۔ انہوں نے محکمہ آبپاشی کے افسران پر زوردیاکہ پانی جیسی نعمت کو محفوظ کرنے کے لئے ہمیں بڑے ڈیمز اورReserviorsکی تعمیر پر کام کرناہوگا کیونکہ آنے والے دورمیں پانی کے ذخائرنہایت اہمیت کے حامل ہیں۔انہوں نے کہا کہ ہمیں ایمانداری اورنیک نیتی سے اپنی فرائض کی انجام دہی کے لئے توانائیاں صرف کرناہوں گی تب ہم اپنے مقاصدکے حصول میں کامیابی حاصل کرسکتے ہیں۔