امارات کابینہ نے نئی ویز ا سہولتیں اور تارکِ وطن ورکروں کیلئے بیمہ اسکیم متعارف کرادی
اب غیرملکی ورکروں کو سالانہ 60 درہم بیمے کے لیے ادا کرنا ہوں گے‘اس سے پہلے انھیں 3000 درہم ادا کرنا پڑتے ہیں
جمعہ 15 جون 2018 11:30
(جاری ہے)
بیمے سے خدمات کے خاتمے کی صورت میں ورکر کو فوائد حاصل ہوں گے، چھٹیوں کا الاؤنس اور مقرر وقت سے زیادہ کام کا الاؤنس ملے گا، واجب الاد ا اجرت کی ادائی ہوگی ، واپسی کا ٹکٹ اور کام کے دوران زخمی ہونے کی صورت میں فی کارکن 20 ہزار درہم تک معاوضہ ملے گا۔
امارات کی کابینہ نے زائرین ، مکینوں ، خاندانوں اور ملک میں زاید المیعاد قیام کرنے والے لوگوں کے لیے مختلف ویز ا سہولتوں کی بھی منظوری دی ہے۔کابینہ نے موجودہ اقامتی نظام پر نظرثانی کی ہے اور اس کے تحت متحدہ عرب امارات میں اپنے والدین کے ہاں قیام کرنے والے طلبہ کے ویزے میں تعلیم مکمل کرنے کی صورت میں دو سال تک توسیع دی جاسکے گی۔کابینہ کے ایک نئے فیصلے کے تحت اب متحدہ عرب امارات کے کسی بھی ہوائی ا ڈے پر اترنے والے ٹرانزٹ مسافر وں سے پہلے 48 گھنٹے کی کوئی داخلہ فیس وصول نہیں کی جائے گی اور ٹرانزٹ ویزے میں صرف 50 درہم کی ادائی پر 96 گھنٹے کے لیے توسیع کرائی جاسکے گی۔یو اے ای کے تمام ہوائی اڈوں پر قائم خصوصی کاؤنٹروں پر یہ ٹرانزٹ ویزے حاصل کیے جاسکیں گے۔کابینہ نے زاید المیعاد رہنے والے لوگوں کو رضاکارانہ طور پر ملک چھوڑنے کا ایک موقع دینے کے فیصلے کی بھی منظوری دی ہے۔اس صورت میں ان کے پاسپورٹ پر ’’ نو انٹری‘‘ کی مہر لگائی جائے گی۔ملازمت کی تلاش میں یو اے ای آنے والوں کے لیے چھے ماہ کی مدت کا ایک نیا ویزا متعارف کرایا جائے گا تاکہ کابینہ کے الفاظ میں ’’پٴْر عزم لوگ ‘‘ اس عرصے کے دوران میں اپنے لیے ملازمتیں تلاش کرسکیں۔کابینہ نے متحدہ عرب امارات اور روسی فیڈریشن کے درمیان طے شدہ ایک سمجھوتے کی بھی منظوری دی ہے جس کے تحت دونوں ملکوں کے شہری ایک دوسرے کے ویزے سے مستثنا ہوں گے۔اس سے دونوں ممالک کے درمیان تعلقات کو مزید فروغ حاصل ہوگا۔مزید بین الاقوامی خبریں
-
ورلڈ بینک کی حالیہ رپورٹ میں افغانستان کی تباہ کن معیشت کے متعلق نئی معلومات منظرعام پر آگئیں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.