عالمی رہنماؤں اور مختلف شخصیات کی عید پر مسلم کمیونٹی کو مبارکباد

برطانیہ کو کامیاب بنانے میں 30 لاکھ برطانوی مسلمانوں کی خدمات کو فراموش نہیں کر سکتے ،ْبرطانوی وزیر اعظم دنیا بھر کے مسلم ممالک کے ساتھ مضبوط تعلقات پر امریکا کو فخر ہے ،ْامریکی وزیر خارجہ دنیا بھر میں رہنے والی میری تمام بہنوں اور بھائیوں کو عید کے موقع پر میری طرف سے مبارکباد ،ْملالہ یوسف زئی

جمعہ جون 13:13

ریاض/لندن/واشنگٹن/ٹور نٹو (اُردو پوائنٹ اخبارتازہ ترین۔ 15 جون2018ء) عالمی رہنماؤں، سماجی شخصیات اور شوبز انڈسٹری سے تعلق رکھنے والی مختلف شخصیات نے عیدالفطر پر مسلمانوں کو مبارکباد دی ہے۔ سعودی شاہ سلمان نے مسلم دنیا کو عید الفطر پر مبارکباد دیتے ہوئے دعا کی کہ مسلمانوں کے حالات ہر جگہ بہتر ہوں۔برطانوی وزیراعظم تھریسامے نے بھی مسلمانوں کو عید کے پرمسرت موقع پر مبارک باد دی اور کہا کہ برطانیہ کو کامیاب بنانے میں 30 لاکھ برطانوی مسلمانوں کی خدمات کو فراموش نہیں کر سکتے۔

کینیڈین وزیراعظم جسٹن ٹروڈو نے سماجی رابطہ سائٹ ٹوئٹر پر ٹوئٹ کے ذریعے مسلمانوں کو مبارکباد دی اور کہا کہ عید کے موقع پر کینیڈا سمیت دنیا بھر میں مقیم مسلمانوں کو عید کی آمد اور رمضان المبارک کے اختتام پر مبارکباد دیتا ہوں۔

(جاری ہے)

انہوں نے کہا کہ مسلم کمیونٹی کی کینیڈا کو مضبوط بنانے کے لیے خدمات جاری ہیں اور آج ان کی خدمات کو سراہنے کی ضرورت ہے۔

امریکی وزیر خارجہ مائیک پوپمیو نے اپنے پیغام میں کہا کہ دنیا بھر کے مسلم ممالک کے ساتھ مضبوط تعلقات پر امریکا کو فخر ہے۔نوبل انعام یافتہ ملالہ یوسفزئی نے بھی اپنے ٹوئٹر پیغام میں کہا کہ دنیا بھر میں رہنے والی میری تمام بہنوں اور بھائیوں کو عید کے موقع پر میری طرف سے مبارکباد۔نیویارک کے ٹائمز اسکوائر پر بھی مسلم کمیونٹی کو عید کی مبارک باد دی گئی ،ْ برطانوی پولیس افسران نے روزہ رکھ کر مسلم کمیونٹی کے ساتھ یکجہتی کا اظہار کیا۔