ایف آئی اے کا گردہ ٹرانسپلانٹ مرکز پر چھاپہ ، 3افراد گرفتار

جمعہ 15 جون 2018 13:16

فیصل آباد (اُردو پوائنٹ اخبارتازہ ترین۔ 15 جون2018ء) ایف آئی اے پنجاب کا فیصل آباد میں غیر قانونی گردہ ٹرانسپلانٹ سنٹر پر چھاپہ ، گردہ دینے والا 19سالہ نوجوان اور لینے والی 35سالہ خاتون سمیت کلینک کا عملہ گرفتار ، ابتدائی تفتیش میں عرصہ دراز سے غیر قانونی گردہ ٹرانسپلانٹ کا انکشاف ہوا ہے ۔

(جاری ہے)

ذرائع کے مطابق گزشتہ روز ایڈیشنل ڈائریکٹر ایف آئی اے ساجد اکرم نے خفیہ اطلاع پر فیصل آباد کے علاقہ ستیانہ روڈ پر قائم سینٹر پر چھاپہ مار کر غیر قانونی گردہ ٹرانسپلانٹ کرتے ہوئے ڈاکٹروں اور گردہ لینے اور دینے والوں کو گرفتار کر لیا۔

ایڈیشنل ڈائریکٹر ایف آئی اے ساجد اکرم کا کہنا تھا کہ ستیانہ روڈ پر واقع جواد ہسپتال میں مریض کا گردہ لگایا جا رہا تھا کہ میری ٹیم نے موقع پر چھاپہ مارتے ہوئے گردے کے ڈونر اور عملے کو حراست میں لے لیا۔