کراچی میں بادلوں کے ڈیرے، مختلف علاقوں میں بوندا باندی

جمعہ 15 جون 2018 19:03

کراچی(اُردو پوائنٹ اخبارتازہ ترین - آئی این پی۔ 15 جون2018ء) شہر قائد کے مختلف علاقوں میں جمعہ کوبوندا باندی سے موسم خوشگوار ہوگیا،کراچی میں رمضان المبارک کا پہلا عشرہ انتہائی گرم رہا، اسی دوران شہر میں مئی کے مہینے میں شدید گرمی کا 38 سالہ ریکارڈ بھی برابر ہوا تاہم آخری عشرے کے آغاز سے ہی موسم خوشگوار ہوگیا اور ماہ صیام کے آخری دن شہر کے مختلف علاقوں میں ہونے والی بوندا باندی کی وجہ سے موسم مزید دلفریب ہوگیا ہے۔

(جاری ہے)

شہر میں 28 سے 40 کلومیٹر فی گھنٹہ کی رفتار سے شمال مغربی ہوائیں چل رہی ہیں، جب کہ جمعہ کو دن بھر مطلع ابر آلود رہے گا۔ محکمہ موسمیات نے کہا کہ کراچی میں عید الفطر کے دن بھی بوندا باندی کا سلسلہ وقفے وقفے سے جاری رہے گا۔ڈی جی محکمہ موسمیات ڈاکٹرغلام رسو ل کے مطابق عید الفطر کی 4 روزہ تعطیلات کے دوران گرمی کی شدید لہر کا کوئی امکان نہیں ہے بلکہ اس کے برعکس شہرقائد کا موسم خوشگوار رہے گا اور قبل ازوقت مون سون کے نچلی سطح کے بادلوں کی وجہ سے یہ امکان بھی موجود ہے کہ مطلع نہ صرف جذوی اور مکمل ابر آلود ہے بلکہ اس کے نتیجے میں شہر کے مختلف علاقوں میں بوندا باندی ہوجائے۔

Facebook Twitter Google + Share on Whatsapp

کراچی میں بادلوں کے ڈیرے، مختلف علاقوں میں بوندا باندی

متعلقہ عنوان :

مزید قومی خبریں