بلوچستان میں عید کے دوسرے روز انتہائی افسوسناک حادثہ

18 کے عام انتخابات میں صوبائی اسمبلی کی نشست سے حصہ لینے والے رحمت اللہ صافی کے 3 بیٹے لینڈ سلائیڈنگ کا شکار ہو کر جاں بحق ‘رحمت اللہ صافی اور چوتھا بیٹا شدید زخمی

پیر جون 12:10

ژوب(اُردو پوائنٹ اخبارتازہ ترین۔ 18 جون2018ء) بلوچستان میں عید کے دوسرے روز انتہائی افسوسناک حادثہ پیش آیا ہے جہاں ضلع ژوب میں لینڈ سلائیڈنگ کے باعث تین بھائی جاں بحق جبکہ والد اور ایک بھائی زخمی ہوگئے،،حادثہ بلوچستان کے سیاحتی پہاڑی علاقے سلیازئی کے مقام میں پیش آیا جہاں زخمی رحمت اللہ صافی کے اہل خانہ عید کی چھٹیاں منانے آئے تھے۔

(جاری ہے)

نجی ٹی وی کے مطابق 2018 کے عام انتخابات میں صوبائی اسمبلی کی نشست سے حصہ لینے والے رحمت اللہ صافی اپنے چار بیٹوں کے ہمرا تفریح کے لیے یہاں پہنچے تھے کہ لینڈ سلائیڈنگ کا حادثہ پیش آیا،مقامی افراد اور سیاح فوری طور پر متاثرہ افراد کی مدد کے لیے جائے وقوع پر پہنچے لیکن تین نوجوانوں کو بچا نہ سکے تاہم رحمت اللہ صافی اور ان کے بڑے بیٹے کو بچالیا گیا،جنہیں طبی امداد کے لیے قریبی ڈی ایچ کیو ہسپتال ژوب منتقل کر دیا گیا،ڈاکٹرز کے مطابق دونوں زخمیوں کی حالت خطرے سے باہر ہے۔

نصیب اللہ صافی کا کہنا تھا کہ جاں بحق ہونے والے نجیب اللہ، رضاگل اور محب اللہ کی لاشوں کو نکال لیا گیا جن کی عمریں بالترتیب 8، 10 اور 13 سال تھی۔واضح رہے کہ بلوچستان کے دور دراز علاقوں میں سڑکوں کے ناقص نظام کے باعث اکثر حادثات پیش آتے ہیں۔