سعودی اتحادی فورسز نے حدیدہ ایئرپورٹ کا کنٹرول حاصل کرلیا

پیر 18 جون 2018 14:40

ریاض (اُردو پوائنٹ اخبارتازہ ترین - این این آئی۔ 18 جون2018ء) سعودی اتحادی فورسز نے یمنی شہر حدیدہ کے ایئرپورٹ کا کنٹرول حوثی باغیوں سے حاصل کرنے کا دعویٰ کیا ہے۔سعودی عرب کی حمایت یافتہ یمنی حکومتی فورسز نے بتایا کہ انہوں نے ساحلی شہر حدیدہ کے ایئرپورٹ کا قبضہ حوثی باغیوں سے حاصل کر لیا ہے۔

(جاری ہے)

آخری اطلاعات ایئرپورٹ کے اطراف حوثی باغیوں سے حکومتی فورسز کی لڑائی جاری تھی۔واضح رہے کہ سعودی اتحادی فورسز نے حدیدہ شہر کو حوثی باغیوں کے قبضے سے چھڑانے کا آغاز بدھ کو کیا تھا۔باغیوں سے جاری لڑائی میں اب تک ڈھائی سو سے زائد حوثی باغی مارے گئے ہیں، حدیدہ وہ واحد اہم بندرگاہ ہے جو حوثیوں کے زیر کنٹرول ہے۔