ماہ کی ایمی بھی فٹبال ورلڈ کپ فیور میں مبتلا

پیر جون 17:40

سڈنی /ماسکو(اُردو پوائنٹ اخبارتازہ ترین۔ 18 جون2018ء) فٹبال کے شائقین آسٹریلوی والدین نے اپنی 15 ماہ کی ننھی پری کو بھی ورلڈ کپ فیور میں مبتلا کردیا ،ْ2006 کے فٹبال ورلڈ کپ ٹورنامنٹ کے دوران ڈیوڈ کوہن نے اپنی اہلیہ ساندرا کو پروپوز کیا تھا اور اب 2018 میں ان کی پندرہ ماہ کی بیٹی ایمی بھی فٹ بال ورلڈ کپ کے دوران میچ دیکھنے کیلئے ان کے ساتھ اسٹیڈیم پہنچی۔

(جاری ہے)

گروپ سی کی ٹیموں آسٹریلیا اور فرانس کے مابین ہونے والا فٹبال میچ زرد اور سبز لباس پہنے ننھی ایمی نے بھی دیکھا۔اس دوران ایمی نے نیند کے جھونکے بھی لیے اور ساتھ ہی فینز کا شور شرابا بھی خوب انجوائے کیا۔ایمی کی والدہ ساندرا نے بتایا کہ وہ آدھے میچ کے دوران سوتی رہی، جو میرے لیے اچھا تھا اور میں نے آرام سے میچ دیکھا۔انہوں نے بتایا کہ میچ کے دوسرے ہاف میں وہ ارگرد موجود لوگوں سے کھیلتی رہی اور اسٹیڈیم کے شور کو بھی خوب انجوائے کیا۔